bikata hai kanoon kharidar chahiye

yek bar fir sabit ho gaya ki desh men kanoon aur insaf jaise shabdon ki koee ahamiyat nahin. agar aapake paisa aur takat ho to ghinaune se ghinauna aparadh karake bhi bach sakate hain. sibiaaee jaisi janch ejensiyan aapako bachane men madad karengi. agar aisa nahin hota to १९८४ ke dangon ke aaropi aaj jashn nahin mana rahe hote. dilli ki sadakon par sikhon ka narasanhar karane aur karane walon ko saja jaroor milati. lekin aisa nahin huaa. sibiaaee ne ek bar fir jagadish taitalar ke khilaf chal rahe kes ko band karane ki ijajat mangi hai. sibiaaee ki shah par taitalar ab midiya ko kathaghare men khada kar rahe hain. taitalar ke mutabik midiya hi hai jo kes ko jinda rakhana chahati hai, warana unaki begunahi kab ki sabit ho gaee hoti.

doosara mamala sanjay datt ka hai. sanjay datt ne kanoon mantri hansaraj bharadwaj par dhamakane ka aarop lagaya hai. jisake jawab men hansaraj bharadwaj ka kahana hai ki sanjay datt kangres ke ahasan bhool gaye. kaun se ahasana? kya kangres ne sanjay datt ko bachane men madad ki hai? aisa nahin ki logon ko ye ahasas nahin ki sanjay datt ki madad ki gaee hai. sabhi ko ye andaja hai ki sanjay datt ko bachaya gaya hai. agar aisa nahin hota to abu salem ka sathi aaj ek badi parti ka mahasachiw nahin ban pata. fir bhi kanoon mantri ko is khaufanak sach ka ijahar nahin karana chahiye. aisa karake wo nyayapalika aur nyayik wyawastha ke charitr par sawal khade kar rahe hain. sath hi un hajaron, lakhon logon ki us aakhiri ummid ko bhi tod rahe hain jisake bal par wo log insaf ki ladaee ladate hain.

rona chhod karen bhawishy ki patrakarita ka swagat

dainik hindustan ki sanpadak mrnal pande ne apane lekh men kuchh aham mudde uthaye hain. pahala mudda patrakarita ke girate star se juda hai. mrnal pande ne rawiwar ko apane kanlam kasauti men likha hai ki “yah ek widanbana hi hai ki jis wakt duniya ke anek mahatwapoorn akhabaron ke janak aur warishth patrakara, intaranet aur abhootapoorw aarthik mandi ki dohari chunautiyon se joojhate huye naee rahen khoj rahe hain, wahin hamare desh men (sanbhawat: pahali bara) lahalaha chale jyadatar bhashaee akhabaron ko yah galatafahami ho gaee hai ki lokatantr ka yah gowardhan jo hai, unhin ki kani ungali par tika huaa hai. isaliye we kanoon se bhi oopar hain”.

yahi nahin akhabaron ki hakikat ko bayan karane ke bad wo patrakaron ke ek sach ko badi bebaki se bayan karati hain. unake mutabik “aise tamam udaharan aapako wahan mil jayenge, jahan hindi patrakaron ne chhote-bade shaharon men midiya men khabar dene ya chhipane ki apani shakti ke boote ek mafiyanuma dabadaba bana liya hai”. wo ise aur bhi aage badhati hain. wo kahati hain ki chand bhashaee patrakar dalali ke star par utar aaye hain. “wo (patrakara) sarakari niyuktiyan, tabadalon aur pronnatiyon men bichauliya banakar garibon se paise bhi wasool rahe hain aur bhrasht sattaroodh netaon ko muft men obalaij karake unase saste men jamini aur khadani patte hasil kar rahe hain, isake bhi kaee charche hain”.

saf hai ki mrnal pande ne bhashaee sansthanon aur patrakaron par ye bahut sangin aarop lagaye hain. lekin apane is lekh men unhonne kisi ek sanstha aur patrakar ka nam tak nahin liya hai. ye bahut hi janaralaijd stetament hai aur aise stetament ka koee matalab nahin hota. magar mrnal pande koee mamooli shakhs nahin hain. wo ek anubhawi patrakar hain. ek bade aur sammanit akhabar ki sanpadak hain. kaee kitaben likh chuki hain. isaliye unake aaropon ko ganbhirata se lena chahiye. sochana chahiye ki ye sthiti kyon huee hai? kyon patrakaron ka samman ghata? aur kyon patrakar dalal ban gaye? ise samajhana aasan nahin hai magar jyada mushkil bhi nahin.

mrnal ke lekh se uthe sawalon ka aadha jawab unake lekh ke pahale hisse men hain. aadha isaliye ki unhonne aadha sach hi likha hai. shayad poora sach likhane ka sahas unamen nahin tha. mrnal likhati hain ki “pathakon ko sabase sasta akhabar dene ki hod men akhabar dami wijnyapanon ke boote apani asali lagat se kahin kam (lagabhag 1/10win) kimat par beche jate rahe hain. aur idhar bajar ki mandi ke karan wah wijnyapani pranawayu lagatar ghatati ja rahi hai”.

yahan pathakon ko sabase sasta akhabar dene ki hod nahin thi. jab taims ऑf indiya aur hindustan taims men dam kam karane ki hod shuru huee to yakinan usaka makasad jyada se jyada pathak batorana tha. magar isaliye nahin ki jyada akhabar bech kar jyada munafa kamayenge, balki isaliye ki kanpaniyon ko ye kaha ja sake ki hamara akhabar sabase jyada bikata hai (chhapata hai) isaliye aap hamen wijnyapan jyada den. is tarah in bade akhabaron ne pathakon ke paise se jyada ahamiyat wijnyapanon ko di. yahi wajah hai ki aage chal kar inhonne pathakon se jyada hit kanpaniyon ka sadha. wijnyapanon ke liye ye pathakon ke hiton se samajhauta karane men gurej nahin karate. kuchh khabaron ko dabane aur kuchh khabaron ko khelane ka makasad bhi kanpaniyon se sanbandhon ke aadhar par tay hota hai.

ab isi sach ka doosara pahaloo. aap sabako maloom hoga ki kuchh din pahale akhabaron ke numaindon ne sarakar ke samane aarthik mandi se uthi mushkilon ka jikr kiya tha. jisake bad sarakari wijnyapanon ka kota badha diya gaya. pranawayu panp hone lagi. fenfadon men naee jan aa gaee. aakhir sarakari wijnyapan kisake jariye milate hain? neta aur adhikariyon ke jariye. jab neta aur adhikariyon ka ahasan in akhabaron par itana bada ho to ye unake khilaf kaise likhen aur kaise chhape? ye dalali ka ek bada sach hai. nichale star par maujood bhashaee patrakaron aur akhabaron ki itani aukat nahin ki wo patrakarita ke munh par kalikh pot saken... unaki itani haisiyat nahin ki wo lokatantr ka sauda kar saken... sach yahi hai ki ye kam bade akhabaron aur bade patrakaron ne kiya hai. isaliye bhala to yahi hota ki mrnal pande apana nishana sabase pahale un bade dalalon ki taraf sadhati. lekin unhonne aisa nahin kiya. fir bhi unhonne aadha hi sahi ek sach bayan karane ka sahas to kiya hai. isake liye unhen sadhuwada.

ab mrnal ka ek aur aaropa. unhonne ye aarop intaranet aur blang jagat ke kuchh giddhon par lagaye hain. mrnal likhati hain ki “intaranet par kuchhek wiwadaspad patrakaron ne blag jagat ki rah ja pakadi hai, jahan we jihadiyon ki mudra men roj kichad uchhalane wali dheron gair-jimmedar aur apusht khabaren chhap kar bhashayi patrakarita ki nakaratmak chhawi ko aur bhi aage badha rahe hain. oonche pad par baithe we warishth patrakar ya nagarik unake priy shikar hain, jin par hamala bol kar we apane kshudr ahan ko to tusht karate hi hain, doosari or pathakon ke aage sina thonk kar kahate hain ki unhonne khoji patrakar hone ke nate nidarata se bade-badon par halla bol diya hai. yahan jin par lagatar anargal aakshep lagaye ja rahe hon, we duwidha se bhar jote hain, ki we is ikatarafa sthiti ka kya karen? kya ghatiya star ke aadharahin tathyon par lanbe pratiwad jari karana jaroori ya shobhaniy hoga? par pratikar n kiya, to shalin maun ke aur bhi oolajalool arth nikale tatha pracharit kiye jayenge”. ye masala bahut ganbhir hai. agar koee sirf apani kshudr aham ko tusht karane ke liye aur bataur khoji patrakar sthapit karane ke liye aisa kar raha hai to use dand milana chahiye. kisi ko bhi yah hak nahin ki wo bina kisi saboot doosaron par koee aarop lagaye ya fabtiyan kase. aise logon ke khilaf sakht karrawaee honi chahiye. kes darj kiya jana chahiye. lekin kes nyay pane ki mansha se darj ho to thik hai, pareshan karane ki mansha se nahin. hal hi men kuchh patrakaron ne patrakaron par aur kuchh akhabaron ne patrakaron par jo kes darj kiye hain unamen nyay pane ki mansha kam apani takat ke jariye doosaron ko pareshan karane ki mansha jyada rahi hai.

isi se judi ek aur bata. akhabar agar patrakarita ka atit aur wartaman hain to intaranet aur blang bhawishya. ek sanwedanashil shakhs apane bhawishy ko hey drshti se dekhe ye sahi nahin. intaranet aur blang ne ye suwidha di hai ki koee patrakar agar chahe to muft men ya fir chand paison men apani bat pathakon tak pahuncha sake. wo bat jise chhapane aur dikhane ka sahas na to akhabaron men hai aur na hi tiwi nyooj chainalon men. is lihaj se dekhen to blang aur intaranet ne bahut se patrakaron ko apana karm aur dharm poora karane ki sahooliyat di hai. sath hi patrakaron par sansthaon ki tarah se ho rahe anyay ke wiruddh bolane ke manch diya hai. soochana ke adhikar aur abhiwyakti ki aajadi ko naya aayam diya hai. ye bahut behatarin chij hai aur isaliye jab mrnal ye kahati hain ki “kya aap janate hen ki aaj bhi intaranet par 85 pratishat khabaron ka srot print midiya hi hai. wajah yaha, ki sarch injin googal ho athawa yahoo, duniyabhar men apane manje huye sanwadadataon ki badi fauj tainat karane ki disha men abhi kisi intaranet srot ne kharcha nahin kiya hai. aur wah kare bhi, to ratonrat akhabar ke kushal patrakaron jaisi tim wah khadi nahin kar sakenge” to wo galat kahati hain. isase jahir hota hai ki unhen intaranet ka “ka...kha...ga...” bhi nahin malooma. yahi to intaranet ki khasiyat hai ki use aisa kuchh bhi karane ki jaroorat nahin. amerika se lekar bharat ke ek chhote kasbe men baitha lekhak apani blang ya sait par jo kuchh bhi likh raha hai wo poori duniya ke liye upalabdh hai. agar aapako jaroorat ho to aap us khabar ya wichar ko padhen. usake bare men tahakikat kar len. ek do jagahon se usaki janch kar len. agar wo bat galat hai to use chhod den. agar sahi hai to usaka istemal kar len. ghar aur daftaron men baith kar likh rahe hajaron, lakhon, karodon ki sankhya men ye log hi to intaranet ki asali takat hain. ye intaranet ke riportara, lekhaka, wicharak aur sanpadaka... sabakuchh hain. googal to sarch injan hai aur is sarch injan ne intaranet ke in tamam riportaron, lekhakon aur wicharakon ko ek doosare se jod diya hai.

ab aakhiri bata. agar kisi akhabar men intaranet wing hai to us web wing ka apana alag astitw hai. jis tarah aap akhabar ke malik ke tamam karobaron ko akhabar ka karobar nahin man sakate thik usi tarah webasait ko bhi akhabar ki milkiyat nahin samajhana chahiye. ye bhi nahin samajhana chahiye ki webasait par kam kar raha patrakar kisi mayane men akhabaron ke diggaj patrakaron se kamatar hai. ho sakata hai ki kampyootar ke samane baith kar thuka... thuk karata wahi naya patrakar bhawishy men patrakarita ka nam roshan kar jaye.

kuchh din jindagi ke nam

blang ki duniya men char mahine bad laut raha hoon. bite char mahinon men mainne apane liye kuchh nahin likha. sirf naukari ki, lekin ab naukari se mukt ho chuka hoon aur wo har kam kar raha hoon jisake liye man tarasata tha. subah der tak sota hoon. akhabar padhata hoon. kitaben padhata hoon. bachche ke sath khelata hoon. gana sunata hoon. rat der tak tiwi dekhata hoon. apane dost girijesh ke pas se २९ behatarin filmon ki diwidi le aaya hoon aur har roj rat gyarah baje ke bad ek film dekhata hoon. १२ tarikh ka rijarweshan hai ganw ja raha hoon. karib do hafton ke liye ganw men rahoonga. aalu ki pahali fasal pak chuki hai aur ab aalu kodane (jamin se aalu nikalane) ka wakt hai. wahin khet men aalu bhoon kar khaoonga. ganga kinare baith kar jindagi ko karib se dekhoonga. agale do-tin mahine tak siwaye ghoomane aur sochane ke kuchh aur nahin karana hai.

is dauran main sochana chahata hoon ki midiya men lautoon ya poori tarah ganw laut jaoon. ganw lautane ke khyal ka sab wirodh kar rahe hain. dost aur ghar ke log bhi. sabaka kahana hai ki ganw lautane layak nahin rah gaye hain. bat sahi hai. ganw ki halat bahut buri hai. lekin kya midiya rahane layak hai. kya midiya men wo buraiyan nahin hain jo ganwon men hain ya fir is poori wyawastha men hain. jati ki rajaniti midiya men bhi hai. dharm ke thekedar bhi hain. kshetrawad bhi hawi hai. dalali midiya ke log bhi karate hain. chand apawadon ko chhod den to jitana bada patrakar utana bada dalala. sajishen yahan bhi khoob hoti hain. aap koee sajish mat kariye, lekin aapake khilaf sajish karane walon ki kami nahin hogi. to fir midiya men kyon lauta jaye? kya sirf isaliye ki yahi kam karana aata hai aur umr ke is padaw par koee doosara kam karana mumakin nahin. roji roti chalani hai to midiya men kisi tarah bane rahana hoga. jonk ki tarah chipake rahana hoga.

aap soch rahe hain ki naukari chhod diya hai to bhashan de raha hai. nahin aisa nahin hai. yakin maniye main ye sab lagatar soch raha hoon. bite tin sal se mainne midiya ke charitra, yahan ke kam ke halat aur logon par bahut wichar kiya hai. pichhale ११ sal men panch midiya haus men kam kar chuka hoon. tin chainal men kam kar chuka hoon. isaliye midiya ke har sach aur jhooth ko karib se janata hoon. kaee bade riportaron ko janata hoon jo sindiket bana kar satta ki dalali karate hain. main janata hoon ki kaise khabaren khadi ki jati hain, khabaren kharidi aur bechi jati hain aur khabaren dabaee jati hain. main janata hoon ek hi tarah ki do khabaron par kyon chainal do nitiyan apanate hain. un khabaron men shamil cheharon ke aadhar se chainalon ki naitikata tay hoti hai. main midiya men chal rahe is khataranak khel par ek kitab likhane ki yojana bana raha hoon. usamen bite gyarah sal ke apane safar aur anubhawon ko darj karoonga. usamen merath ke transaport nagar men bitaye dinon ka jikr hoga, sapane aur sach ke bich huye takaraw ki charcha hogi. wo takaraw jisamen patrakar dhire dhire dam todata hai aur ek kanraporet jarnalist janm leta hai. wo jarnalist jo asal men ek selsamain ki bhoomika men hai jisake liye khabar ek utpad hai aur patrakarita utpad ko bechane ka tarika.

midiya men mainne sabase adhik din enaditiwi men bitaye hain. jahir si bat hai meri us kitab men enaditiwi ka jikr sabase adhik hoga. main wyaktigat taur par manata hoon ki enaditiwi ka khabaron ke bajar men tika rahana behad jaroori hai. lekin jab bhi koee mujhase kahata hai ki enaditiwi aaidiyal hai to main isaka wirodh karata hoon. main manata hoon ki enaditiwi ki maut ka matalab ek saf-suthari tiwi patrakarita ki maut hogi. yahan saf-suthari tiwi patrakarita ka matalab sirf itana hai ki bina kisi ashlil widiyo ko dikhaye aur bina foohad huye bhi chainal chalaya ja sakata hai. isase adhik matalab nikalana galat hoga. kyonki main niji taur par ye bhi manata hoon ki enaditiwi skool ऑf jarnalijm kisi bhi din aaj tak skool ऑf jarnalijm se jyada ghatak hai. kyon, ise samajhane ke liye sirf ek chhota kissa sunana chahoonga.

kuchh samay pahale enaditiwi ne manamohan sarakar ke sabase achchhe aur sabase kharab mantriyon par editars sarwe karaya tha. desh bhar ke sanpadakon ki ray li gaee. ek soochi taiyar ki gaee. rat aath baje ke buletin men use chalaya gaya. lekin fir kharab mantriyon ki soochi gira di gaee. magar achchhe mantriyon ki soochi chalati rahi. wo kharab mantri kaun the aur enaditiwi ne wo soochi kyon giraee is par wistar se charcha kitab men hogi. lekin isase aap enaditiwi ke charitr ka andaja laga sakate hain. jo chainal sirf halke se dabaw men apane hi sarwe ko tod-marod sakata hai us chainal men stet ke wiruddh khade hone ka kitana hausala hoga?

yahi wajah hai ki main lanbe samay se enaditiwi ko chhodane ka man bana raha tha. mere karibi meri ulajhan , mere dwand ko janate hain. wo janate hain ki enaditiwi ki jhoothi naitikata men mujhe kis kadar ghutan mahasoos ho rahi thi. gyarah sal tak naukari karate karate mere bhitar ke patrakar ne dam tod diya tha aur wo ek badi wajah thi ki main tamam ghutan ke bawajood enaditiwi ki naukari chhodane ka faisala nahin le pa raha tha. magar hal hi men enaditiwi pranfit se enaditiwi indiya men eksaport kiye gaye naye mainejing editar anindo chakrawarti ne mujhe ye bada faisala lene ka bahana de diya. ek jhatake men sari ulajhan door ho gaee aur isake liye main unaka shukragujar hoon.

samarendr sinh (०९-१२-०८)

jab jastis aise hon to kaise bachega desha?

suprim kort bhi kam hippokret nahin. bite kuchh dinon men do aham mamale suprim kort ke samane the. ek jajon se juda mamala aur doosara netaon, patrakaron aur samaj ke doosare takatawar tabakon se juda huaa. donon hi mamalon men suprim kort ki tippaniyon ne jajon ke dohare charitr ko samane la diya. pahala mamala sarakari makan par gair kanooni kabjon se juda tha. ye panch agast ko suprim kort ke samane aaya. tab suprim kort ke jastis bi en agrawal aur jastis ji em singhawi ki bench ne kaha ki “sarakar kanoon ka palan nahin karana hi chahati. pahale ye kahate the ki desh ko bhagawan hi bacha sakata hai, magar ab lagata hai ki bhagawan bhi is desh ki madad nahin kar sakata”.

doosara mamala aaj adalat men pesh huaa. karodon rupaye ke prowident fand ghotale men jajon ki bhoomika se juda huaa. isamen nichali adalat se lekar suprim kort ke jaj bhi sandeh ke ghere men. un par aaropiyon ki madad ka shak hai. is ghotale aur jajon ki bhoomika ki janch kisase karaee jaye is par suprim kort men sunawaee chal rahi hai. sunawaee tin jajon ki bench kar rahi thi, jinamen do jastis bi en agrawal aur jastis ji em singhawi wahi the jinaki bench ne kaha tha ki “is desh ko bhagawan bhi nahin bacha sakata”. magar aaj jastis bi en agrawal aapa kho baithe. huaa yoon ki sunawaee ke dauran warishth wakil aur poorw kendriy kanoon mantri shanti bhooshan ne kaha ki suprim kort bhrasht jajon ko bachane ki koshish kar raha hai. jis par jastis bi en agrawal bhadak gaye. unhonne shanti bhooshan se bayan wapas lene ko kaha. lekin unhonne inakar kar diya aur kaha ki chahen to manahani ka mukadama kar den. thodi rukawat ke bad sunawaee aage badhi to jastis bi en agrawal ne kuchh kaha jis par shanti bhooshan ke bete prashant bhooshan ne kaha ki wo unake siniyar ke munh men apane shabd dal rahe hain. fir kya tha jastis bi en agrawal sunawaee bich men chhod kar uth gaye. ab mamala suprim kort ke mukhy nyayadhish ke ji balakrshnan par chhod diya gaya hai.

ab aap andaja laga sakate hain ki jis desh men suprim kort ke jaj khud ko khuda samajhane lage hon aur kaduwe sach ko bardasht karane ki himmat bhi nahin rakhate hon us desh ka bhagawan bhala kaise kare? jastis bi en agrawal (jo chif jastis ke bad doosare sabase siniyar jaj hain) ko sochana chahiye tha ki unake is bartab se adalat sammanit nahin balki apamanit hogi. sath hi kanoon aur nyayapalika par aam aadami ka yakin aur bhi ghatega.