patrakar se selsamain

blang ki duniya men char mahine bad laut raha hoon. bite char mahinon men mainne apane liye kuchh nahin likha. sirf naukari ki, lekin ab naukari se mukt ho chuka hoon aur wo har kam kar raha hoon jisake liye man tarasata tha. subah der tak sota hoon. akhabar padhata hoon. kitaben padhata hoon. bachche ke sath khelata hoon. gana sunata hoon. rat der tak tiwi dekhata hoon. apane dost girijesh ke pas se २९ behatarin filmon ki diwidi le aaya hoon aur har roj rat gyarah baje ke bad ek film dekhata hoon.
(shesh yahan padhen ... .blogspot.com/2008/12/blog-post.html">http://chaukhamba.blogspot.com/2008/12/blog-post.html )

main sunana chahata hoon khamosh aawajon ko

main sunana chahata hoon shahar ke shor men dabi,
dam todati, sisakati, khamosh aawajon ko
muskurate chehare ke pichhe chhipe dard ko
chamakati aankhon men kaid udas najaron ko
bhid men akela mahasoos karati dhadakan ko
bhanwaron ko dekh machalate fool ki pankhudiyon se nikalati dhunon ko
chandani ke sparsh se aanandit laharon ki atakheliyon ko
sooraj ki kiranon se pighalate himalay ki tootan ko
samandar se uthate toofan ki lalakar ko

main sunana chahata hoon, khamosh aawajon ko
kyonki janata hoon khamoshi bahut kuchh kahati hai
yek dhara prawah bolane wale wakta se jyada
har pal bajane wale wady yantr se bhi kahin jyada
khamoshi bolati hai, batiyati hai
use mahasoos karane ke liye
kan aur dimag ki jaroorat nahin
khamoshi uthati hai sidhe dil ki gaharaiyon se
aur utarati hai dil ki gaharaiyon men, chupachapa.

main sun sakata hoon ...
kalakal karati nadi ki udas boondon ko
jo dil men badalon se bichhudane ka dard samete
par karate jate hain parwata, jangala, shahar
aur mil jate hain samandar men, ho jate hain wilin

main sun sakata hoon ...
bahar se khamosh samandar ke bhitar mache shor ko
kal hi ek jawan whel man ke liye roee thi
yek sil shikari sark se bachane ke liye
chikhi chillaee, magar bach na saki
usake khooni jabadon se
aur aaj ek nanha samudri ghoda
ऑktopas ko chakama dene par thahake laga raha hai
kah raha hai tum bade ho, khataranak ho to kya
mera dimag tumase jyada tej hai

main sun sakata hoon...
saiberiyaee parindon ke jhund men khamosh parinde ko,
use is wakt yad sata rahi hai
apani mitti, apane watan ki
un ped paudhon ki jin par usane ghonsala banaya
ande diye, fir un andon se chooje nikale
un choojon ko udana sikhaya
magar sardiyon men sabase aham udan men
wo chooje thak gaye, bich rah men baith gaye
shikar ban gaye baheliyon ki sajish ka
main sun raha hoon us parinde ki rudan

main sun sakata hoon...
shor men doobe kanant ples ke kone men
khamosh baithi boodhi mahila ki sada ko
jo samane katora rakh ekatak futapath dekhati rahati hai
aane-jane wale usaki taraf sikke uchhalate hain
magar usake honth duaa men hilate nahin,
hatheliyan aashirwad men uthati nahin,
aankhen koee harakat nahin karati,
usaki ye khamoshi chikh-chikh kahati hai
duaaon se, aashirwad se aur sanwedanaon se
jindagi ki khuraduri jamin makhamali nahin hoti
agar hoti to usake jigar ke tukade
use budhape men beghar-besahara nahin karate,
yahan to khushiyan unhin ke hisse hain
jo dhurta, makkara, lijalije, lachile aur kroor hain
kuchh-kuchh jonk ki tarah

main sunana chahata hoon khamosh aawajon ko
kyonki main janata hoon aur mahasoos karata hoon
khamoshi bolati hai, batiyati hai
jab bhi mera dil bahut dukhata hai
jab bhi main khud ko lachar mahasoos karata hoon
aur jab bhi mujhe bahut krodh aata hai
main khamosh ho jata hoon,
tab meri khamoshi mujhase batiyati hai
bolane wali kisi bhi rachana se kahin jyada

marij pasta, anbumani mast

mere pados men ek sarakari adhikari rahate hain. kal sham unake bachche ki tabiyat kharab ho gaee. pet men bahut tej dard ho raha tha. bachcha kuchh bhi khata to ulti kar deta. imarajensi men sat sal ke bachche ko wo gangaram aspatal le gaye. prathamik ilaj ke bad rat ek baje wahan tainat danktar ne bachche ko kisi doosare aspatal le jane ko kaha. poochhane par danktar ne bataya ki bachche ki halat kharab hai aur use bharti karana hoga, lekin gangaram aspatal men jagah nahin hai. kafi der tak wo minnaten karate rahe, lekin danktaron ne apani lachari jata di. jisake bad wo rat do baje kendriy dilli ke sabase bade sarakari aspatal aarayemayel men pahunche. wahan bhi danktaron ne aanakani ki. lekin bachche ki halat dekh wo inakar nahin kar sake. unhonne use bharti kar liya.

danktar ram manohar lohiya aspatal dilli ke wiaaeepi ilake men hai. sansad bhawan aur kanant ples ke thik bagal men. yahan pahunchane par bachche ke pita ko laga ki sab thik ho jayega. lekin aisa nahin tha. rat do baje se lekar sham panch baje tak bachche ke kaee test huye. khoon ki janch ke sath eks re aur altrasaund bhi huaa. riport dekhane ke bad danktaron ne hath khade kar diye. unhonne kaha ki bachche ko intestainal rapachar (intestinal rupture) hai. usaka turant ऑpareshan karana hoga aur isake liye wo ya to kalawati aspatal le jayen ya fir gangarama. ye sun kar bachche ke pita ke hosh ud gaye. unhonne kaha ki aarayemayel men ilaj nahin hoga to fir kalawati aur gangaram men ilaj ki kya garanti hain? tab danktaron ne bataya ki kendr sarakar ke chand sabase bade aspatalon men se ek danktar ram manohar lohiya aspatal men ek bhi pediyatriks sarjan nahin hai. ye sun ham sab hairan rah gaye. agar wiaaeepi ilake men maujood aarayemayel ka ye hal hai to isase swasthy sewa ki badahali ka andaja lagaya ja sakata hai. lekin swasthy mantri anbumani ramadans ko usase kya? marij past hain aur mantri ji apani rajaniti men mast hain.

majaboori men ek bar fir bachche ko gangaram aspatal le jana pada. sanpark nikala gaya aur danktaron se bat ki gaee aur aakhir men bachche ko aaeesiyu men bharti kar liya gaya hai. ab usake gharawalon ke sath ham sabaki yahi duaa hai ki ऑpareshan ke bad wo fir se pahale ki tarah uchhal-kood machane lage. shararaten karane lage.

ye sehat ki dukan hai

mainne aastha ka safar men ऑrthonowa aspatal ka jikr kiya tha. aaeeaaeeti dilli ke thik samane safadarajang dewalapament eriya men ye aspatal chal raha hai. wahan guruwara, panch joon ko main wiplaw bhaee aur unake pita ji ke sath pahuncha. yahi koee gyarah baje ke kariba. aspatal men dakhil hone par bhid ne swagat kiya. das baee das ke baramade men ek khanbe ke charon taraf baig rakhe huye the. taee lagaye ३०-३५ medikal riprajentetiw (yemaaara) wahan maujood the. us baramade men panch kamaron ke darawaje khulate hain. har darawaje par tin-char emaaar ghera dale huye the. baramade men karib das kursiyan lagi hueen thi. marij aur unake atendent ke baithane ke liye. lekin ऑrthonowa aspatal ki un kursiyon men jyadatar par unhin taee lagaye huye logon ka kabja tha. marij kam aur marijon ki jeb dhili karane ke liye mal bechane walon ki sankhya jyada. ye najara dekh kar ham sabhi hairan rah gaye, lekin danktar ne yahin bulaya tha isaliye na chahate huye bhi ham log usi bhid men shamil ho gaye. wiplaw bhaee ke hath men chot dekh ek shakhs ne kursi khali kar di. lekin unake bujurg babooji ko kafi der tak khada rahana pada. ऑrthonowa aspatal men us din kadawe anubhawon ki ye shuruaat thi aur abhi kaee jhatake lagane baki the.

aspatal pahunchane se pahale subah nau baje hamane fon par bat ki thi. tab risepshan par tainat shakhs ne bataya ki wiplaw ji ke liye kamara nanbar १०१ taiyar hai. wo jab chahen aa kar aspatal men bharti ho sakate hain. lekin wahan pahunchane par kamara dene ki jagah intajar karane ko kaha gaya. karib ek ghante bad aspatal ke ek karmachari ne aakar sath chalane ko kaha. usake sath ham lift men dakhil huye. thodi der men ham aspatal ki tisari manjil par the. wahan wo karmachari hamen rikawari room men le gaya, jahan do bistar lage huye the. ek bistar par ek marij dard se karah raha tha. karmachari ne bataya ki khali pada doosara bistar wiplaw ji ke nam hai. hamane usase kaha ki shayad use koee galatafahami ho gaee hai wiplaw ji ke liye kamara nanbar १०१ elant huaa hai. karmachari ne rajistar khol kar dikha diya ki nahin rikawari room men bed nanbar do unake nam par hai aur us kamare men unake sath koee doosara dakhil nahin ho sakata.

hamane usaki bat par amal se inakar kar diya aur fir risepshan par chale aaye. wahan pahunch kar hamane kaha ki char din pahale jab buking singal room ki karaee gaee to ab hamen rikawari room men kyon bheja ja raha hai? karmachari bat talane men lage the. shayad koee moti aasami mil gaee thi. gusse men hamane helth inshyorens klem karane ki prakriya rokane ko kaha. aur wahin apane danktar ka intajar karane lage. ab sawa bahar baj raha tha aur ek strechar par marij ko baramade men laya gaya. usake pair men ganbhir chot lagi huee thi aur dekhane se hi lag raha tha ki use danktari madad ki sakht jaroorat hai. lekin jis danktar se usaka apwaintament tha usake kamare ke bahar barah taeewalon ki lanbi lain lag chuki thi. sab ke sab bhari baig hath men liye huye the. ab marij ke pas intajar ke alawa koee aur chara nahin tha. tabhi ek aur emaaar wahan pahuncha. usane darawaje ke bahar khade kanpaundar se kaha do-tin ke lant men danktar se milane diya jaye, warna is tarah to sham ho jayegi. ek ke bad ek emaaar bhitar jate gaye aur marij bahar intajar karata raha.

sehat ke bajar ka ye ghinauna chehara dekhakar babooji kanp uthe. unhonne kaha ki chahe kuchh bhi ho ab yahan ऑpareshan nahin karayenge.

tan sookha magar man bhiga

ye barasat bhi yoon hi nikal jayegi. is barasat bhi ganw jana nahin ho sakega. man to kafi chahata hai lekin ganw jane ki bhoomika taiyar nahin ho rahi. matalab is barasat bhi main jhijhari nahin khel sakoonga. ganw se sati magaee nadi ke kinare nahin baith sakoonga. barish men kuchh chikani aur mulayam huee parati ki ret par chika nahin khel sakoonga. wo ret jo koodane par bhurabhura jati, bikhar jati magar hamen chot nahin lagane deti. ye barasat bhi bite kaee sal ki tarah yadon ke sahare katani hongi. roji roti ke nam par is barasat ko bhi kharch karana hoga.

mujhe yad hai ki barasat men magaee nadi men ulti dhara bahane lagati thi. ye nadi ek chhor par ganga men jakar mil jati thi. lekin jab ganga men pani kuchh jyada ufan marane lagata tha to magaee men dhara palat jati. fir pani hamare ganw ko charon or se gher leta. koee pandrah-bis fut oonchaee par base ganw ke charon taraf aadhe kilomitar door tak pani hi pani dikhaee deta. parati ke bad bagiche bhi pani men doob jate... lagata ki aama, semara, sirafala, katahala, baragada, pakad aur pipal sabhi pani par uge hon. unhin pedon ke bich machhaliyan apani khurak talashati aur machhaliyon ke taur par insan apani khuraka. ham log bhi banti (machhali pakadane ka kanta) lekar apane duaar ke chhor se machhali pakadane lagate. ghanton kechuaan kante men dal kar baithe rahate. kismat ke hisab se rohoo, mangura, naini, katala, jhinga ... un katon men fans jatin. prakrti badh ke taur par apani takat ke ijahar ke sath jindagi ki naee dhara ki rachana bhi kar jati thi. ham sabhi us jiwan dhara ka bhi lutf uthate. usase judi mushkilon se do-do hath karate huye.

ganga ka pani hamen karib ek se dedh mahine tak isi tarah ghere rahata tha. pani ghatane ke intajar men hath par hath dhar kar baitha to raha nahin ja sakata. isaliye logon ne badh ke sath kaee tarah ke edjastament kiye the. khud ko poori tarah dhal liya tha. hansane khelane ke kaee naye tarike eejad kiye the. waise to ye tarike sadiyon purane the, lekin unamen wakt ke sath badalaw bhi huaa tha. aisa hi ek khel tha jhijhari. jhijhari ki yad aate hi main romanchit ho uthata hoon. wo khel hi kuchh aisa hai, manon ek bade krooj par sawar hokar samandar ke bich utarana. krooj ki oonchi chhat par sawar hokar aasaman men tare ginane jaisa.

aamataur par jhijhari anjoriya rat men khelate hain. jyadatar log anjoriya rat nahin samajh sakenge. ise hindi men poornima aur angreji men ful moon nait kahate hain. tab chand apane poore shabab par hota hai. anjoriya rat men badh ke pani men chand kuchh is tarah apani roshani ghol deta mano wo bhi aasaman se utarakar nadi jal se athakheliyan karana chahata ho aur ye chahata ho ki sansar usaki khoobasoorati ko pani men nihar le. aise ki najaren thahar jati hain. usi anjoriya rat men naw par chauki rakh di jati. tanrcha, lalatena, dhola, majhire lekar log sawar ho jate. bhagawan ram se prarthana karate huye, apani salamati ki duaa mangate huye.

sikiya chiray chiri
naiya siri jawalon
ram sagarawa bandh na
kawana ghat utare ho paradesiya
ram sagarawa bandh na

((bhagawan is naw ki hifajat karana. lakadi ko chir chir kar banaee gaee ye naw sagar men chali ja rahi hai. is par sawar paradesi ko kisi ghat par utarana hai))

...... suron men hi isaka jawab bhi diya jata

sikiya chiray chiri
naiya siri jawalon
ram sagarawa bandh na
ram ghat utare ho paradesiya
ram sagarawa bandh na
((bhagawan is naw ki hifajat karana. lakadi ko chir chir kar banaee gaee ye naw sagar men chali ja rahi hai. is par sawar paradesi ram ghat par utarega.))

ho sakata ho ki suron se saje us sawal jawab ka matalab main thik se nahin samajha saka hoon. lekin usi prarthana ke sath log naw ko laharon men dhakel dete aur jashn shuru ho jata. bich dhara men le jakar nawik langar dalate aur naw laharon par jhoolane lagati ... dhola, majhire se nikale sur laharon men ghulane lagate ... ramayan ki chaupaiyan gayi jane lagati... bich bich men joradar aawaj hoti... bolo siyapati ramachandr ji ki jai ... ek naee tarang paida hoti jo naw par hote huye bhi sabako bhigo kar chali jati ... tan sookha magar man prem aur bhakti ras men dooba huaa. har kone men chauki par nachate-jhoomate log aur alag-alag sur ... wo sangit aur nach aaj bhi jehan men taja hai. usake bare men likhate huye chehare par muskan khil aaee hai. main apane bachapan men laut chuka hoon aur kuchh pal ke liye hi sahi, use jina chahata hoon.

tarikh - २२ joona, २००८

din - rawiwara, wakt - १६.१०, jagah - dilli

mujhase naee takadir le jaiye

hujoora, meharabana, kadaradana!
main shabdon ka karobari hoon,
mere pas har tarah ke shabd hain.
paise dijiye,
jaroorat ke shabd le jaiye.
agar aapane kisi ka katl kiya hai,
magar katil kahalane se bachana chahate hain,
to mere pas aaiye,
main katl ko hadasa bata doonga.
yakin maniye,
shabdon men badi takat hoti hai,
sara khel shabdon ka hai,
shabdon se hi duniya chalati hai.
meri aur aapaki bisat kya,
shabd badalane par deshon ki takadir badal jati hai.
main unhin shabdon ko karobar karata hoon,
jhooth ko sach banane ke fan men mahir hoon.
bas aap paise fenkiye,
mujhase apani jaroorat ke shabda,
aur apani naee takadir le jaiye.

shabd dhokha de gaye

aaj kafi kuchh likhane ka man kar raha tha. kaee mudde jehan men the.

pahala mudda - git bhaee ke blang par ek din pahale dunya ki kawita “kal mainne ek desh kho diya” padhi. laga ye hakikat meri bhi hai. apana des to main bhi kho chuka hoon. poora nahin, magar aadha jaroora. dunya ke dard ke daman ko tham kar bahut kuchh likhane ka man kar raha hain, lekin kafi mashakkat ke bad bhi wicharon ko ek dhage men piro nahin saka.

doosara mudda - sibiaaee ke nideshak wijay shankar ki midiya ko had men rahane ki hidayata. ek aisi janch ejensi ka mukhiya ab midiya ko nasihat de raha tha jo aaj tak aparadhiyon ko bachane ka kam karati aaee hai. usaki itani himmat huee to isake liye kuchh had tak ham bhi jimmedar hain. mudda kafi bada hai aur is par likhane ko kafi kuchh hai, lekin kuchh thos likh nahin saka.

tisara mudda - dilli aur munbaee men do bade hadase huye. ek jhatake men kaee jindagiyan, kaee pariwar tabah ho gaye aur donon hi hadason ke liye sharab jimmedar hai. sharab jisake dansh ko mainne dedh dashak tak bhoga aur sharab chhodane ke bad bhi usi dansh ko bhog raha hoon. mudda ganbhir hai. likhane ka bhi kafi man tha. lekin likh nahin saka.

aisa aksar hota hai. daftar men khabaron ke bojh tale dabe hone ke bad bhi jo shabd sath nahin chhodate, wahi shabd man ki bat likhate wakt rishta tod lete hain. parayon sa bartaw karane lagate hain. is kadar ki dil kuchh sochata hai, dimag kuchh aur anguliyan kuchh likhati hain. aaj bhi aisa hi huaa. main kuchh sarthak likhana chahata tha, lekin shabdon ne dhokha de diya. aakhir men kuchh man layak nahin likh sakane ke ahasas ke sath kanpyootar band kar raha hoon.

tarikh – १७ joona, २००८ (mangalawara)
wakt – २.१०
jagah - dilli