aadawani ki chunauti

amerikan shasan-paddhati ke prabhaw se hi sahi magar bijepi ke piyem-in-weting lalakrshn aadawani ne dooradarshan par kangres ko rashtriy bahas men shamil hone ki chunauti dekar desh men swasth lokatantr ki sthapana ke nimitt ek swasth ewan sarthak pahal ki hai. lokatantr men wishwas rakhane wale desh ke lakhon prabuddh matadataon dwara aisi kisi bhi pahal ka swagat hona chahiye jisase lokatantrik moolyon ki sthapana ka swasth watawaran taiyar hota ho. bat yadi achchhi hai to usaka samarthan karana bhi rashtrahit hai.
sirf rajanitik poorwagrahon ke chalate aise sarthak muddon ka wirodh bachakanapan hai. is bat men koee buraee nahin hai ki rashtriy muddon par rashtriy dalon ki wicharadharayen bahas ke jariye aam janata tak pahunche. aise bhonde tark prastut karana ki bahudaliy wyawastha wale lokatantrik shasan-paddhati men aisi bahas awyawaharik hai, yah to sirf bhidatantr ko bewakoof banana hai. rajanaitik dalon ko apani nitiyon aur ejendon ko lagu karane ki spasht wachanabaddhata aur janata ko wishwas men lene ka yah sarwottam tarika hai. wishwas karana chahiye ki lokatantr ke prati aastha aur jan-jagrti ki koee bhi sarthak pahal desh ko tiwr wikas ke path par agrasar karegi. sath hi waishwik manch par bharat rashtr ki chhawi bhi nikharegi. mera manana hai ki yah pahale desh ki janata ki aakankshaon ke anurup hai. is pahal ke wiruddh ubharate swar ekangi aur poorwagrah ke siwa kuchh bhi nahin.

'kamasaranama' ka lokarpan

jamaniyan tahasil antargat esa.ke.bi.yema. intar kanleja,diladaranagar men karyarat rewatipur niwasi wijnyan shikshak suhail khan dwara likhit pustak 'kamasaranama' ka lokarpan pichhale dinon bara ganw niwasi mohammad ashafak khan (samajik karyakarta- munbaee hyooman rej sosaiti)dwara kiya gaya. kamasaranama aurangajeb ke shasan-kal men dharmantaran kar islam apanane wale gajipur ke sikarawar wansh ke rajapooton-bhoomiharon ka ek dastawej hai. sath hi lagabhag 600 prshthon ki is pustak men kamasar ke 18 ganwon ke dharmantarit pathanon ka ek shajara(wanshawrksha) prastut kiya gaya hai. kamasaranama sanbhawataः kameshwar mishra(kamesaradiha) ke wanshajon-bhoomiharon,rajapooton aur pathanon ke mugalakalin trikoniy sanbandhon ewan kamasar ki hi mahan wibhootiyon ka ek jita-jagata dastawej hai. lekhak ke kaee warshon ke athak prayason aur shodh ke bad yah pustak prakashit huee hai. ukt pustak kamasar ki naee pidhi ke liye sirf rochak hi nahin apitu kafi jnyanawardhak bhi hai. gajipur ke itihas men kamasaranama ki bhoomika aham siddh hogi, jisake liye lekhak suhail khan beshak badhaee ke patr hain.

kyonki sajjad mir dipak chaurasiya nahin hain...urf benakab pak midiya !

star nyooz ke patrakar dipak chaurasiya se aaj hi pakistan ke warishth patrakar sajjad mir se ho rahi telifon warta suni, wishay tha - enayesaye mahamood ali durrani ko pak ke pradhanamantri yoosuf raja gilani dwara barkhast kiya jana. unhonne bharatiy midiya se munbaee ke aatanki ajamal aamir kasab ke pakistani nagarik hone ki poori sanbhawana jataee thi. bharat ke kootanitik koshishon ki kamayabi se duniya ke samane beparda aur bebas pakistan sarakar aur aatanki manasikata se grast pak janata itani tilamilaee huee hai ki aam aur khas ka fark saf najar aane laga hai. dipak chaurasiya ke sawalon ke jawab men nishpaksh aur sammanit kahe jane wale pakistan ke tathakathit warishth patrakar sajjad mir ki jhunjhalahat bhari bhasha se saf lag raha tha ki swatantr aur nishpaksh patrakarita ke nam ko kalankit karane wale aise patrakar pakistan men wastawik lokatantr kabhi sthapit nahin hone denge. aise men pakistan ke chauthe stanbh ki bhoomika matr hasyaspad hi nahin balki patrakar biradari ki soch ko sharmasar karane wali hai, jise patrakarita jagat ka samany shishtachar tak nahin pata ho. pakistani widesh mantralaya, janch adhikariyon aur soochana mantri sheri rahaman ki swikarokti ke bawajood kisi patrakar ka aisa anargal pralap pakistan ki patrakarita par dher sare sawal khade karata hai. sajjad mir ke poorwagrahapoorn bayanon se pak ki ghrnit manasikata ujagar hoti hai. unaka safed jhooth patrakarita par kala dhabba stainp kar deta hai, jab wah yah kahate hon ki ........pata nahin kasab ko nepal se pakada gaya ho. yahan tak ki wah patrakar dipak chaurasiya se ek atyant tuchchh aadami ki tarah too-tu main-main par utaru ho jaye aur kahe ki.....aap war mangaring kam kariye....aur isake bad fon bich men hi patak kar rakh deta ho. janaba, isase saf hai aatankawad ka samarthak pakistan ka chautha stanbh bhi apani asanyamit bhasha ke pralobhan se aag men sirf ghi dalane ka hi kam nahin kar raha, balki anajane men hi pak ko aag men jhonk raha hai. sath hi patrakarita ki pawitrata ko bhi kalankit kar raha hai. lanat hai pak ke aise napak chauthe stanbh para. agar aisa hi raha to pakistan men swasth lokatantr ki sthapana men to sadiyan gujar jayengi.

majak nahin hai, aatankawad ka khatma !

“aaine se mukar gaye sahaba,
bat kya thi ki dar gaye sahaba.
aap ab bhi hamare sar par hain,
sirf najaron se utar gaye sahaba.. ”

swa. jay prakash bagi (waranasi) ki uparokt panktiyon ko wyakti, samooha, samudaya, samaja, desh ewan rashtr athawa kinhi any sandarbhon ke pariprekshy men bhi dekha ja sakata hai. prasangik hai ki nawawarsh 2009 ke pahale din se hi jammu kashmir ke mendhar men aatankawadiyon dwara bankaron se aatank ka aag ugalana. karagil-2 ki punarawrtti ka ek kutsit prayas jari hai. 26/11 ki aatankawadi ghatana ne sanpoorn desh ko hilakar rakh diya hai. isamen pakistan ki ghinauni bhoomika siddh hone ke bawajood usaki besharmi aur behayaee se sari duniya hataprabh hai. antararashtriy dabawon ko tak par rakhate huye pakistan apani fauj ko bharatiy simaon par tainat kar ulta chor kotawal ko dante kahawat ko charitarth karane par tula hai. wartaman bharatiy sarakar apani edi choti ek karake bharatiy janata ke samaksh apani wishwasaniyata ka paracham laharane par aamada awashy dikhati hai kintu usake dwara pakistan ko majaboor kar apana dosh kabool kar gunahagaron ko dandit kara pana sandehaspad hi dikhata hai. chunawi warsh men kangres ki girati huee sakh ko rokane ka chamatkarik prayas sanbhaw nahin dikhata.

meri samajh men itane wishal lokatantrik desh ko pragati aur wikas ke marg par le jane athawa kisi bhi sangin samasya se nijat dilane se poorw desh ke pratyek nagarik aur nagarikon ki suraksha ki garanti lene wali sarakar ka naitik dayitw banata hai ki wo aatmanirikshan kare aur apane dosh ko dekhe ki kya wo bhrashtachar ke winash ke abhaw men desh ke samuchit wikas hetu aatankawad samapt karawa pane men saksham hai ?

ji kattaee nahin! hamare desh ki lokatantrik wyawastha men bhrashtachar ka jis kadar prawesh ho chuka hai, usase samasyaon se nijat pana bada mushkil hai. bhrashtachar desh ki sabhi samasyaon ki jad men hai. aatankawad ka bhayanak swarup bhi usi bhrashtachar ke karan hai kyonki hamari sarakaren bhrashtachar ki poori giraft men hain. wartaman sarakar bhi usaka apawad nahin hai. aatankawad ka ghinauna khel tab tak chalata rahega, jab tak rajanetaon dwara desh men kursi pane aur desh par raj karane men bhrashtachar ka khel khela jata rahega. yakin maniye, bagair bhrashtachar mitaye aatankawad nahin mitaya ja sakata aur n to garibi hi mitaee ja sakati hai. suprim kort ki manen to sach hai ki desh bhagawan bharose chal raha hai. pis to rahi hai aam janata, bhrashtachari fool-fal raha hai. sarakar janata ke sir par uthi huee dikhaee deti awashy hai, lekin janata ki najaron se utari huee dikhaee deti hai, kyonki aatankawad ke khilaf bas khisen niporane se kuchh bhi hasil nahin hone wala... ye samajhana ab jaruri hai ki majak nahin hai aatankawad ka khatma.

nagar wikas mantri, uttar pradesh ko jamaniyan ki khuli chiththi

sewa men,
nagar wikas mantri, uttar pradesh


wishay - tilak pustakalay par nagarapalika ka kabja

mahodaya,
gajipur janapad ki ek tahasil hai jamaniyan. ise jila banane ki koshishen bhi chal rahi hain. lekin aajadi ke 60 sal bad bhi wikas ki daud men yah apratyashit roop se pichhe hai. yoon to tahasil ka poora ilaka hi kaee tarah ki janasuwidhaon se wanchit hai. lekin main jis aabadi ki aajadi ke chhin jane ki charcha kar raha hoon, wah shriman ji ke adhikar kshetr se hi sanbandhit hai. wartaman sarakar se apeksha hai ki is wishay ki ganbhirata se janch karakar samuchit aur twarit karrawaee kare taki sthaniy nagarikon ke prati nyay ho sake.
jamaniyan tahasil mukhyalay ke thik pichhe jamaniyan kasba hai, jise ab nagarapalika parishad ka darja bhi mil gaya hai. usase pahale yah ek chhoti-si taun eriya thi. tab nagar men pustakalay nam ki koee sanstha nahin thi. lagabhag do dashak poorw jamaniyan ke tatkalin esa.di.yema. shri muktesh mohan mishr ne janata ki purajor mang par apane prayason aur rajy sarakar ke sahayog se nagar men ek pustakalay-bhawan ka nirman tahasil parisar se lagi jamin men karaya. ukt tilak pustakalay ka widhiwat shilanyasa, udghatan aur lokarpan samapann huaa. pustakalay bhawan ki bahari diwar par kale-chamakile patthar par ankit nam-tithi aaj bhi sakshy ke roop men maujood hain. pustakalay ke liye kuchh pustaken aur akhabar-maigajin bhi mangaye gaye. pustakalay sanchalan ka kary nagarapalika parishad men karyarat karmachariyon ke supurd kiya gaya. tilak pustakalay - wachanalay kaksh nagar ewan aam janata ke liye khol diya gaya. padhane walon ki sankhya badhati rahi. isi dauran esa.di.yema. shri muktesh mohan mishr ka sthanantaran ho gaya.
us samay nagarapalika parishad ka karyalay is pustakalay se lagabhag tin farlang ki doori par pashchim men jamaniyan kasbe ke kankadawa ghat par sthit tha. magar ek din achanak tatkalin nagarapalika cheyaramain ke adooradarshi durbhagyapoorn nirnay se tilak pustakalay ke nawanirmit bhawan par gaj gir gaee. tilak pustakalay hamesha ke liye band kar diya gaya. nagarapalika ne aakraman ki tarj par us bhawan par awaidh roop se atikraman kar liya. jamaniyan nagarapalika parishad ka poora tam-jham tilak pustakalay namak bhawan men sthanantarit kar diya gaya. sthaniy logon ke wirodh ko darakinar kar prashasan bhi chuppi sadhe raha aur wah chuppi aaj tak barakarar hai. is dauran darjanon esa.di.yema. aaye aur gaye, magar kisi ne apane prashasanik dayitwon ka nirwah nahin kiya. gauratalab hai ki tab tak kaee bar nagarapalika chunaw huye. cheyaramain bhi badalate rahe, magar kisi ne bhi is samasya ke samadhan men koee roochi nahin dikhaee. parinamaswaroop tilak pustakalay aaj tak awaidh kabje ki giraft men hai.
jamaniyan ka ukt tilak pustakalay nagarapalika jamaniyan ke sajishapoorn awaidh atikraman ka aaj tak shikar hai. nagariy chunawon ke poorw har bar chunawon men hissa lene wale sabhi pratyashi tilak pustakalay ki punarsthapana ka aashwasan dete rahe hain kintu parinam wahi dhak ke tin pata. is prakar nagarikon ke maulik adhikaron ka hanan karane wali jamaniyan nagarapalika n kewal lokatantriy kanooni ki dhajjiyan uda rahi hain waran sarakara, shasan-prashasan ki bharapoor khilli bhi uda rahi hai. nagarapalika parishad jamaniyan ke is arajakatapoorn rawaiye par agar shighratishighr ankush n lagaya gaya to sthaniy prabuddh warga, buddhijiwiyon aur yuwakon ki bhawanaon ko jabaradast thes pahunchegi. ullekhaniy pahalu yah hai ki wartaman nagarapalika parishad adhyaksh aaye din tilak pustakalay ko fir se chalu karane aur nagarapalika ke awaidh kabje ko hataye jane ka maukhik aashwasan to de dete hain magar lanbe samay se use kriyanwit n karane ki unaki mansha hasyaspad lagane lagi hai. sath hi yah ati pichhade nagar ki apekshaon par pani fer rahi hai.
isaliye kshobh ke sath is khuli chitthi ke madhyam se anurodh karana hai ki sarakar sidhe hastakshep karate huye shighr nyayochit kadam uthaye taki aam aadami ko nyay mil sake. poorn wishwas hai ki jamaniyan nagar ka ati sanwedanashil mudda sarakar ke thande baste men nahin jayega. janahit men aapaki twarit karrawaee ki apeksha ke sath –

kumar shailendr
sanyojak
bhagawan parashuram jayanti mahotsaw parishada, jamaniyan

dhoop lifafe men ka lokarpan jamaniya men

kawita sangrah dhoop lifafe men ka lokarpan gajipur ke jamaniya men १ nawambar २००८ ko kiya gaya. kitab ka lokarpan rajakishor sinh digri kanlej ke sabhagar men jane mane kawi shri hariwansh pathak gumanam ne kiya. is mauke par kuchh aur bhi wishisht atithi maujood the. is lokarpan karyakram ki kuchh jhalakiyan niche pesh hain.

gumanam jiः marane walon men, han tum nahin the !

meri apani kalpanaon men bhi kawita-kusum khilane lage the. baki duniya aur mere bich 'kawita' thi tatha 'kawita' aur mere bich 'kalpana' thi. ji han, ye kawita mere antarmukhi swabhaw ke mote aawaran ke pichhe thi. jhenp itani ki yah kawy-romans kahin ujagar hokar mujhe aparadh ke kataghare men n khada kar de. n jane kitani kawitaon ke chit-purje jeb men pade-pade choohon ke kutare huye kagajon men tabdil ho gaye. akhabaron se sarokar unhen kewal banchane bhar se tha. unamen chhapana to atyant dushkar lagata tha. tis par indira gandhi ki adiyal imarajensi. abhiwyakti par pabandi ka trasad chintan 'anubhooti' ke dharatal par har kshan patak deta tha. ek ajib bechaini mujhe shabdon ke jod-tod ke liye wiwash karati. unake arth umadate-ghumadate mere man ko thodi rahat de dete. doosaron ko kitana arthawan lagate isaka bhan nahin tha mujhe. tab main bi.ye. ka chhatr tha. 'jayadesha' akhabar men chhapane ke liye apani ek rachana is naummidi se preshit ki thi ki chhapegi nahin. magar huaa ulta. jiwan ka pratham kirtiman mere nam tha. rachana prakashit thi- ''dil ko jalata hoon bar-bara/ roshani nahin hoti... '' magar wastawik roshani talashane ki wah lalak chhip nahin payi.
umr men mere pitaji se bhi char-panch sal bade, mere shraddhey pitaji ke liye bhi shraddhey ek aise mahan wyaktitw se parichay badha jinaka nam gum ho gaya tha, isaliye unhen 'gumanama' nam se hi khyati mili.mainne man hi man unhen 'guru' man liya. ji, unaka poora nam hariwansh pathak hai. kabhi bhi bade hi sankoch se , unake bahut kuredane ke bad jab main apani koee nayi rachana sunana chahata...to bhi poori ki poori kawita kabhi nahin suna paya. janana chahenge kyon? janaba! kawita ke pratham chhand ki durustagi men hi aksar sham ho jaya karati! fir kisi doosare, tisare, chauthe din hoti huee wahi kawita un tak pahunchane men mahinon ka safar tay karati. unaki hari jhandi milati, tab main use kahin anyatr sunane ke kabil samajhata apane ko. bawajood isake we hamesha mujhe takid karate kuchh aur behatar wikalp dhoondhane ke. aap manen ya n manen chhandashastr ka waisa bodh abhi tak kisi any men (yadyapi any bhi ho sakate hain) mujhe mila nahin. mujhe yah likhate huye garw ho raha hai ki unhonne jo kuchh mujhe diya unhen sahejane ki koshish men hoon. kramanusar kaee prasangon ki charcha karani hai.
un dinon jamaniyan steshan par masik kawy goshthiyon ka aayojan hindu intar kanlej ke shikshak bishanalal kapoor ke aawas par 'madhurima' nam se hota tha. har mahine hone wali us sangoshthi ke pramukh kiradar the- 'gumanam ji'. naye-naye kawiyon ki entri aur har bar naee-naee rachanaon ka path us goshthi ki wisheshata thi. us samay waranasi ke sahity-sansar se bhi mera lagaw badh gaya tha. main wahin se aangl sahity se snatakottar kar raha tha. har kshan kawita ka sfurana. mera yuwa man anek abhilashaon aur mahatwakankshaon se nity roo-b-ru hota tha. kul milakar mere bhitar meri kawitaon ka spandan to ho chuka tha, magar us kawy-goshthi 'madhurima' ewan kawi 'gumanama' ke sanidhy ne mantr-shakti foonk di thi. fir kya tha gahe-b-gahe aaye dina...main 'pathak medisin sentara' ki taraf khincha chala jata...dawa kharidane nahin...balki gumanam ji ka sneha, krpa, aashish aur margadarshan prapt karane, jo aaj tak barasata rahata hai...main sarabor hota rahata hoon. aayurwedik aushadhiyan jaise koot-chhanakar banayi jati hain, waise hi kawita-srjan ke maharathi 'gumanama' ka nam jamaniyan ke sath-sath chalata rahega.
san 1979 ke uttarardh men mainne yek digri kanlej men naukari shuru kar di thi. prayaः usi rah se aana-jana hota tha. 'kawita' ka prasad prapt karana aniwary-sa lagata tha. mere pitaji ko bhi maloom ho chuka tha meri is nayi ruchi ke bare men. 'gumanam ji' (yani pathak ji) mere pitaji ke pahun lagate hain. ganw ke kisi aise rishte ki janakari mujhe bad men huee.
gumanam ji ka hindi, urdoo aur bhojapuri ki git-rachana par saman adhikar hai. budhape men bhi git, gajal, chhand ki prastuti ke samay unake gale se uchcharit dhwani unhen ab bhi jawan hone ka praman-patr deti-si lagati hai. unaki abhiwyakti men gajab ka sammohan hai, jo shrotaon ko sath-sath gane ke liye wiwash kar deta hai. unaki kuchh gajalon ka aisa suroor hota hai ki unaki kuchh panktiyan, unake gane se poorw, shrotagan pahale se hi gunagunane lagate hain. jaise-
''sirf tumane n parda uthaya
marane walon men kya ham nahin the?"
lagata hai ki unake sangrah ''dardon ke chhand'' ki wah gajal unaka sanpoorn jiwan darshan hai.
''sagare lab gulabi ki khatir
mere araman kya kam nahin the."
aise anekon chhand logon ke dilon men ghar kar chuke hain. aise hi git-gajalon ke amar rachanakar-shayar-kawi-guru 'gumanam' mere dil men mere giton ko amaratw pradan kar rahe hain.
yah guru krpa hi hai ki wijay sharma, gopal tanha, gurudip nigam, rajendr sinh, moti yadaw, wirendr sarang, madan gopal sinha, rajakumar, sanjay krshn, manaj, winay ray, anant ji, mithilesh gahamari, aadi rachanakaron ka aaye din jamawada pathak ji ko prasannata se labalab bhar deta hai. we doosaron ko gaurawanwit kar gauraw mahasoos karate hain. aatithy satkar to unaki rag-rag men samahit hai. dard ki dawa yahin milati hai.
mere mitr sahityik langotiya yar wirendr sarang aur mere oopar unaka anugrah abhootapoorw raha hai. auron ki banisbat hamari upasthiti ki baranbarata adhik thi. 'gumanam' ji ne (jaisa any sabhi mahasoos karate hain)
mujhe aur sarang ko itana sneh diya hai ki hamen danya-banya mana jane laga. pata nahin hath ya aankha. we hamari rachanaon ko sunate, margadarshan dete, padhane ka sujhaw dete aur itana protsahit karate jaise ham log shighr siddhi prapt karane wale hon. kaee bar unake sath bahar ke goshthiyon aur kawi -sammelanon men hamen shrota ki haisiyat se bhi jana pada. bad men akhil bharatiy kawi sammelanon men bhi shirakat ki ham logon ne. nishchit taur par jamaniyan ke sahityakash men amar rahenge gumanam ji. smrti-patal par dher sari yaden ankit hain wo fir kabhi...filahal...--

''gum n hoga nama, ye kahata jamaniyan.
gar n hote tuma, kahan rahata jamaniyan.."