ichchha

yachana nahi hai
bata rahi hoon.
ki ab jina chahati hoon
bahoot ho gaya
ab talak tumhare bataye raste par
jiti gayi,
jiti gayi ya
yoon kahoon ki
jiwan ko dhoti gayi.
par ab aisa nahi hoga
han
tumhe koee dosh nahi de rahi hoon
na hi apani sthiti ko
jayaj ya najayaj
batane ke liye lad rahi hoon.
mai bas itana kah rahi hoon
ki
aage se ab sab badalega
mai apane sharto par
apane aapako rakhoongi
aur jiwan ko dhone ke bajay
jioongi.
han mere jiwan me
agar tum chaho to
tum bhi shamil rahoge.
na yah nyota hai
na nihora hai.
batala rahi hoon.
tum chaho to
mere hamakadam banakar
sath chal sakate ho.
yek aasaman jisame ham dono ka
apana apana astitw ho
wo jamin
jisame ham dono ki apani apani
jade hon
wo mausam
jisame ham dono ki khushabu ho
aise watawaran me jaha
ham dono sans le saken.
par agar tumhe ye manjoor na ho
to bhi
mai bata rahi hoon.

janate ho?

mere sentar par aane wali lagabhag harek mahila apane pati se yah kahana chahati hai... bas unhi ke kuchh bhawo ko shabd dene ki koshish ki hai...

janate ho
yek dabi huee ichchha hai ki
mai ऑfis se aaoon
aur tum ghar par rahana
aakar tumhe kahoon
jana, aaj kam jyada tha
itana thak gayi ki
ki puchho mat
tumhara hi kam achchha hai
ghar me rahate ho
sara din soye rahate ho....

janate ho
ji chahata hai ki
mai bhi machal ke kahoon
jana, tum aise kyon rahate ho
hamara bharatiy paridhan
dhoti kurta
kitana achchha lagata hai
kyo tum har din angrej
ban ithalate ho

janate ho
kundali marakar
yek ichchha dabi baithi hai
ki ek din shan se kahoon
janate ho dal chawal ka bhaw
itane mahange saman
meri jeb se aate hain
tumhare gharawale thodi na late ho

jana... janate ho...

patro wali dastan

yoon to ab patr likhane ka wakt nahi raha... mujhe khud patr likhe kaee sal bit gaye... par yahan kuchh sachchi aur kalpanik ghatanaon ko milakar kuchh likhane ki koshish kar rahi hoon,na hi patr likhane aata hai na hi kahani likhane aata hai... aur na hi kisi ke wyaktigat patr ka ullekh karana uchit hoga... isaliye khud hi galat sahi karate huye pahale se mafi mangate huye is shrrnkhala ko aage badane ki koshish kar rahi hoon aur fir likhoongi nahin to likhane aayega kaise?
=========================================


"mammi yah purane lifafo ka pulinda kaisa hai? kisake patr hain yah saba?" gudiya ko ek brifakes me jaise hi pulinda mila wah chahakate huye mammi se puchhane lagi.
"yah tumhare papaji aur mere likhe patr hain." mammi ne pyar se bataya.
"o, waha!" pahale to wah chahaki, "par mammi aap dono ki to..." gudiya puchhate puchhate rook gayi, tabhi achanak papaji kamare me aa gaye
"hamara kya beta?" papa ji ne puchha. gudiya boli "mera matalab aap dono ki to law mairij nahi thi, arainj mairij thi na.. fir ye patra...?"
mammi papa ji hansane lage...aur ek sath bole... "kisane kaha beta ki ham patr nahin likh sakate the? "na mera matalab aisa nahi tha", gudiya thoda jhenpate huye boli. kuchh der rookakar papa ji bole "tumhe in patron ko padana chahiye... tum samajhogi ki ye hamare liye kitani mayane rakhati hai."
"mere kahane ka matalab ye nahi tha papa ji, gudiya boli waise to mai samajh rahi hoon ki ye patr bahut khas hain aap dono ke liye, tabhi to २७ salo se aapane inako sambhal kar rakha hai" wah muskurati huye boli.
mammi papa ji bhi muskura uthe "achchha to lo pahala patr pado aaja... ye tab ke hai jab mai shadi ke kuchh dino bad hi tumhari mammi aur gharawalo se door garibi mitane ka sankalp lekar chala gaya tha...." papa ji ne yah bolakar ek patr usaki taraf bada diya

"ji" aur gudiya bina ek sekend bhi ganwaye patr padhane lagi.



priye,
janata hoon patr likhane me bahut der ho gayi hai... aur tum naraj ho rahi hogi... par kya karoon bhari bharakam shabd nahi aate na hi shayari aati hai, jinhe likhakar manaoon, bas itana sa aata hai ki tum naraj mat hona... samajhana... jo kuchh bhi ho raha hai, hamare liye ho raha hai. tum jab meri jindagi me aayi to laga ki, mai to andhakar me ji hi raha tha, tumako bhi is andhakar me le aaya. andhakar bhi aisa ki prakash ki kiran door door tak nazar nahi aa rahi hai. isaliye bhag aaya taki tumako prakash me jinda rakhane ka samarthy pa sakoon. yahan aakar lag raha hai ki sirf ham hi kyon? hamara pariwar bhi usi andhakar me ji raha hai, aur hamara yah uddeshy banata hai ki ham milakar unhe bhi prakash me layen... kaho, sahi bol raha hoon na? mai janata hoon ki tum "han" hi kahogi aur isaliye mehanat bada di... aur sirf isi wajah se patr dene me der ho rahi hai. jyada kuchh nahi kahoonga ummid hai ki tum samajh jaogi. tum samajh jaogi ki mai kya kar raha hoon aur kyon?

kaho samajh jaogi na?
tumhara
apana

"o o... fir mamma aapane kya jawab diya?" gudiya ne puchh hi liya
mamma ne jawab ke taur par ek aur patr gudiya ko thama diya.

prananatha,
aapaka patr mila... padakar atyant khushi huee. mai jan gayi hoon ki aap jo bhi karenge achchha hi karenge, aur mai aapake har kadam par sath hi rahoongi. aapase naraj hone ka koee auchity nahin banata hai. aapase milate hi mai aapako samajh gayi thi ki aap galat nahi ho sakate, aur agar kabhi galat huye bhi to naraj hokar baithane se achchha hoga ki mai us wishay par aapase bat karoon. yah hamara jiwan hai, aur yah tabhi poorn prakash ke chadar me pal sakega jab ham dono milakar koshish karen. hamari mehanat jaroor rang layegi. hai na? is safar me aap akele nahin hain, mai bhi to hoon, aap wahan mehanat kariye aur mai yahan, aur mujhe yakin hai ki ek din ham sampoorn roop se sath aur safal honge. par sath me mera anurodh hai ki apane swasthy ka khyal rakhiyega... aap meri bat manenge na?

aapaki
sirf aapaki


"achchha fir kya huaa mammi?" gudiya ne puchha
"aage... ham dono apane apane karmabhumi par apana dharm nibhane me lag gaye. koee pareshani bhi aati to usaka samadhan karate kisi se koee koee gila, shikayat nahi... " mammi bolakar chup ho gayi ya shayad yado me kho gayin.
tabhi papa ji bole "beta jab manjil tak jane ki lalak ho to badhayen nahi darati, par shart yah hai ki raste ko jite huye chalo use bojh samajhakar mat chalo... manjil se bhi behatar tumhara safar hota hai, hamesha yad rakho ki safar ko mauj ke sath poora karana chahiye"
"ji papa ji", gudiya boli " waise fir dubara patr kab bheja aapane?
"bataoonga, jaroor bataoonga, par aaj nahi kala..." papa ji ne kaha.
"thik hai papa ji par kal pakka... hai na", gudiya bol padi.
"han, han, ekadam pakka" mammi papa ji sath me bole... ya fir wo us pal ek sath jine lage, shayad apane patro ki duniya me... unhe ekasath ek duniya me dekhakar gudiya kamare se bahar aa gayi... kal ke intajar me.

===================

ham bhi kal milate hain...

wailenataeen de meri nazar se

wailenatain de aa gaya hai... aur hawa me khoob garmajoshi hai... wah waha. garmajoshi un dilon me hain, jo apane pyar ka pahale-pahal ijahar karana chahate hain, aur uname bhi hain, jinhone kar rakha hai bas koee achchha sa gift dekar use pukhta karana chahate hain, aur uname bhi hai jo is hangame ko rok dene ke liye kuchh bhi karane ki poori taiyari ke sath hain. kya mausam hai... par janab garmajoshi wahi par nahin hai jahan hona chahiye... praman ke taur par
pichhale १० din se maine apane parichito ki shreni me ४० sal aur isake oopar ke sabhi dampatiyon ko poochh liya ki unhonne is din ki taiyari me kya kiya... jawab lagabhag aisa tha ek-do chhodakara...

are beta ab is umr me ham kahan is din ko manayenge
ab wo bat kahan
ab to bas din kat rahe hain
unako hamari itani fikr nahi, ham kuchh kah bhi den.. to... koee fark nahi padega
shshshshshshshshshshsh ye baten bhi aise khuleaam ki jati hain
ye bhi koee din hai pata hi nahi tha
are ye angrejon ne to ......
had ho gayi... mai soch rahi thi, jisake sath ta-umr gujari hai aur baki ki gujarani hai usase pyar nahin? aur agar hai to ijahar karane me itani jhijhak kyon? kya pyar sirf २० ki umr ki dharohar hai jo ४० tak jate jate purani pad jati hai? jise yad karane me bhi sharm aati hai?
mai to samajhati thi ki pyar atyant hi pawitr hota hai aur isaki pawitrata wakt ke sath aur gahari hoti jati hai... lekin pyar to kalankita, apamanita, niroottarit hai.. chaliye jane dete hain, mujhe isaka jawab chahiye bhi nahin... mai kuchh aur hi soch rahi hoon. kyonki bade logo ke bich me bachche ko nahi padana chahiye isaliye mai bachchon me bich me hi padati hoon.
waise bade ho ya bachche pyar kalankita, apamanit hota hi hai... par sawal uthata hai kyon? kyon? hamare desh me bhi pyar itana apamanit ho gaya hai? pyar ki pawitrata mit gayi hai/rahi hai... bacha hai to... pyar ke nam par gandagi, ashlilata, bewafaee aur niroottar hota pyara...

isase kuchh yad aa raha hai ki kuchh dino pahale pados me kisi ko beta paida huaa, kuchh dino bad mai milane gayi to bhaeeya bhabhi ne kaha ki beta jara isaka aura dekhana, maine kaha ki bachcho ke aura to kuchh khas nahi hote kyonki aura to man ki gatiwidhiyon par jyada chalata hai aur bachche me isaki kami payi jati hai.. fir bhi unaki jidd par yoon hi thoda chek kiya aur jo samajh me bataya... unhone hansate huye kaha ki ye batao ye sidha sadha hoga ya badamasha? maine poochha ki aapako kya chahiye? unhone kaha ki mujhe to badamash hi chahiye sidhe sadhe ladake achchhe nahi lagate... ladaka wahi achchha lagata hai jo १०-१२ garl frend pataye, mar pit kare....
wela, yah unaki parsanal chwanis hai.. mai nahi kahati ki sabhi logo ki hogi, par is bat par inkar kaun kar sakata hai ki aisi chwanis doosare kisi ki nahin hogi?
aise pariwesh me jo ladaka palega wo kis tarah ke bhawishy ko niroopit karega... koee bhi achchhe se andaja laga sakata hai. us ladake ke liye pyar mahaj khilawad hi hoga aur kuchh nahin...

aisi ladaki ke liye bhi man-bap ki apani chwanis hoti hai... wo sidhi sanskari, ityadi ityadi honi chahiye... ladaki jis pariwesh me palati hai (adhikanshataः) pyar usake liye ek hauwe se kam nahi hota... ghar me log pyar ka nam tak aane nahin dete, ladaki apana koee anubhaw apane abhibhawak se bant nahi pati, is kandishan me wah bahar mari mari firati hai/firegi hi... aakhir kahin na kahin use kuchh na kuchh to chahiye aur aise me use kisi aise ladake ka sath mil jata hai... jo ladaki ke bhawana ko mahaj khilawad hi samajhata hai... aur jo hota hai wo mujhe batane ki jaroorat nahi hai...

par isame galati kisaki hai? is tarah ke pariwesh me pale yuwak kisi park me pyar ki pawitrata ko nazar-andaz karate nazar aa jayen to isame koee aashchary nahi hona chahiye... kharabi to niw me mili hai upar se kitana bhi lipa poti kar lo bat nahi banegi.

aksar mujhase tinej ladakiyan milati hain aur apane kuchh anasulajhe sawalon ke jawab mangati rahati hain, sawal aise koee bhari bharakam nahi hote jinaka jawab unake mata pita nahin de sakate... mai aksar unako kahati hoon ki aap apane mama se hi poochh sakati thi... to jawab hota hai ki na didi wo turant mujhe galat samajh leti hain...
pata nahin, kya man is daur se nahi gujari hongi? jo badalaw sharirika, manasik haramonal star ke daur se yah ladaki gujar rahi hai... usaki man ko bhi gujarana pada hoga aur aane wali pratyek pidhi ko gujarana padega... tab man beti men aisa rishta kyon nahin ban pata ki apani beti ko is najuk daur me poori sahayata de, usaka path pradarshak bane na ki ek diktetar ban jayen.
matrtw samuday mujhe maf karen par adhikansh ladakiyon ki man yahi kam karati hain... jabaki man beti ka rishta atyant madhur hona chahiye... is rishte par agar yoonhi diktetaraship lagi rahi to pyar ki sthiti isase bhi kahin jyada bhayawah hogi. yah soch jab tak nahi badalegi ki beta bhi badamash nahi sharif ho, ijjat karana jane, pyar ki pawitrata ko pahachane wah apane anubhaw apane andar ho rahe badalaw ko samajhe tab tak achchhe yuwak ke janm lene ka sawal hi nahi uthata, yahi bat beti ke liye bhi lagu hoti hai. agar aisa nahi huaa to pyar ka jo arth anarth nikalega/nikal raha hai wo sharm-sar karata hi rahega... chahen kitane bhi bandishen laga di jayen... jab tak ninw majaboot na ho imarat ko to dahana hi hai...
samartha, shaktishali, charitrawan yuwa aasaman se utar kar nahin aayenge na hi unako jabaradasti aisa banaya ja sakega... usake liye shurooaat karani padegi apane hi ghar se... warana kitane bhi dal ban jaye is anarth ke arth ko rok dena kisi ke bas ka nahi ho sakata aur jo hoga/ho raha hai usake jimmedar aap hi honge/hain.
charitr koee ghoonti nahin hain jise pila diya jaye aur pine wala aatmasat kar le. balki charitr hanan kyon ho raha hai isake karan ko janakar niwaran ki aawashyakata hai... warana prem diwas yoonhin apamanit hota rahega wo bhi us us desh me jahan radha krshn ki wandana ki jati hai.
chaliye bahut ho li bhashan baji ab ham ja rahe hain... apane papa ji ko welenatain de wish karane... isake liye hamako dande nahi padane wale balki bahut maja aane wala hai... ye alag bat hai ki papa ji ke achanak aaye bijanes toor ke karan sare planing dhari ki dhari rah gayi... par ham to roj roj welenatain de manate hain, wo bhi naye naye andaj me... wo ham aapako fir kabhi batayenge abhi thodi si mama papa ji ko tang karake maje lene ja rahe hain.

sheyar bajara, mai aur naradamuni

obama ko lekar ham sab kal bahoot utsahit the. sare brokars kal bol rahe the, maidam kharid lijiye kal bajar pakka badega. achchha ji, ham bhi utsahit hooye, par thoda kama, sirf treding ke lihaj se kharidadari me lag gaye, sham tak bajar ne kuchh achchha mod liya niche se ४० pwaeent nifti aage aaee to aadhi profit ghar aaee.. aur aadhi obama ji ko salami dene ke liye rakh li... par rat se meri soorat latak gayi kyonki meri kharid F&O ki thi, aksar mai १५ tarikh ke bad isame hath nahi dalati. par obama ki salami me dala huaa hatha... hath jalane ka dar satane laga. ab hath jal jaye to koee salami kaise isaliye rat bhar jodati rahi ki itana % girega to itane ka lans hoga. papa ji ne dhiraj rakhawaya ki koee bat nahi aaj jitana aaya hai utana jayega.. jao so jao... yakin maniye sapane me bhi yahi dekha ki bajar to gaya. subah jab bajar khula to rahat ki sans li... aisa kuchh nahi tha jo socha tha... १% ki prafit ke sath f&o section ko khali kiya aur usake bad ऑpshan me put kharide.. aur abhi.. ekadam maje le rahi hoon, obama ji ko salami to de di, par apane tarike se :)

ab itani tenshan ke bad narad ji ki kahani jheliye...

naradamuni ka naradanama aur sheyar bajar


narad muni apani aadat ke anusar yayawari men swarg pahunch gaye. yahan par narad ji ne dewaraj ko dukhi paya. dewaraj indr ko dukhi dekh naradamuni pahali bar apana takhallus narayan narayan ka uchcharan bhool gaye. ise ginij buk ऑf warld rikard men darj karaya ja sakata hai. pranam dewarshi, mafi chahata hoon par narad ji ne apani galati swikar ki ki we narayan narayan kahana bhool gaye isaliye unaka dhyan n khinch saka. dewon ke dew indr ne batalaya ki ab mrtyulok wasi insan unaki pooja-archana se wimukh hota ja raha hai jisase dewataon ka warchasw mrtyulok men khatare men pad gaya hai.

narad muni apani trikal drshti se dekhakar batalate hain ki aajakal mrtyulok niwasi sheyar bajar men hone wale utar chadhaw ke karan bhayankar roop se pareshan hain aur yah pareshani sheyar bajar ke n chadhane ke karan itani adhik badh gayi hai ki we sans tak khinchana bhool jate hain, fir bhala fir pooja-archana bhala kaise yad rah sakati hai. is par dewaraj aur chinta men doob jate hain. itana doob jate hain ki naradamuni unake samane sakar hain, we yah bhi bhool jate hain. tab narad muni fir ek bar narayan narayan gunjayaman karate hain. aur ekayek jhatake se dewendr chinta se bahar aate hain.

naradamuni dewaraj ko salah dete hain ki "dewaraj aap kuber ko aadesh karen ki we sheyar bajar ko mandi ke is bhishan prakop se bachayen, apana dhan sheyar bajar men jhonk den aur kisi bhi tarah se bajar ko mandi ki rah se nikal kar teji ki rah par sarapat daudayen aur maharaj kuber ke is karatab ki katha mrtyulok men indiya tiwi, aaeebiyen sewan sarikhe chainalon ke madhyam se pracharit karen, we chainal isi prakar ki kathaon ke prasaran men nipun hain aur siddhata prapt kar chuke hain jisase unaki ti aar pi bhi teji se badh rahi hai.

kuber katha men yah batalaya jaye ki maharaj kuber dwara mrtyulok niwasiyon ka yah dukh nahin dekha gaya kyonki waise bhi us lok ke wasiyon ko to antat: mar hi jana hai to unaka bar bar marana asahaniy ho raha hai, jisase dewataon ke prati mrtyulok wasiyon ki aastha fir majaboot hogi aur we fir se dewataon ki ibadat men mashagool ho jayenge. waise bhi prthwi par bharat ke siway to dewataon ki koee jyada poochh hai nahin, wahan se bhi khatm ho gaee to fir dewataon ko amar hokar bhi kya labh milega isaliye yah tatkalik upay kiye jane chahiyen.

wo ek ukti hai n ki winashakale wiparit buddhi to naradamuni ki salah ne turant asar kiya aur dewaraj indr ko yah yukti pasand aayi aur unhone fauran kuber ko aadesh de diya.
udhar naradamuni narayan narayan alapate huye patal lok men bhi is babat hangama macha kar salah de aaye. isase ek bar fir spasht ho gaya ki indiya tiwi, aaee bi en sewan sarikhe chainalon ki sankalpana naradamuni ke kiradar se prerit hokar prthwiwasiyon ne ki hogi. idhar narad ji ne danawasur ko bhi is gupt tathy ki janakari lage hath de di ki mrtyulok wasiyon men dewaraj ki ti aar pi kam ho rahi jisake mool men girata aur teji se girata sheyar bajar hai aur yahi wah awasar hai jab rawan ke kukarmon dwara khatm huee ti aar pi ko dobara se gen karane ke suawasar ka labh uthaya ja sakata hai to danaw bhi bharatiy sheyar bajar men kuchh is tarah kood pade ki kahana pada panchon ghi men aur sir kadahi ke andara.

danawasur ne bhi socha ki yahi achchha samay hai jab apani ti aar pi men badhotari ki ja sakati hai aur insanon ke kamajor se najuk dil par bajar ko sanbhal kar kabja kiya ja sakata hai. ek bar mrtyulok niwasi hamare jhanse men fans gaye to fir danawon ko swarg par kabja karane men koee adachan nahin aayegi.

donon hi pakshon ke fainensiyal eksaparts apani amarata ka labh lete huye mrtyulok par kood pade kyonki agar we paranpik yatayat sewa se aate to der ho jati aur utar aayen aur unhonne shuru kar diya apana sheyar bajar sudharo abhiyana. jahan tak unhen samajh aaya usake anusar amerika men chal rahi wittiy samasya, krud ke rojana badhate girate bhawa, mahangaee ka suparakwin banate jana, kampaniyon ka diwaliya hona, mausam ki mara, karensi me uthaw-patak ityadi dheron karan hain, jisase sheyar bajar rasatal men samata ja raha hai.n

diwy shaktiyon se sarabor donon pakshon ne socha ki kyon n pahale amerika ke wittiy sankat ko pahale hal kiya jaye aur we bechare paison ka intajam karate gaye... karate gaye... natijatan amerika ke pas likwediti jyada ho gayi jisase mahangaee badhane lagi, mahangaee ke chadhane ka sidha asar wanl strit par dikhane laga jisase desh duniya ke sheyar bajaron men hadakamp bach gaya .... charon taraf trahi mama, trahi mama, trahi bapa, trahi chacha ityadi ki chikhen sunaee padane lagin jisase dew-danaw apane apane kheme me pareshan ho gaye... ab kya hoga ? aakhir yah danw unake liye ulta kaise pad gaya ...

yek bar fir mrtyulok ka sarakari toor banaya gaya aur ek naee sochi samajhi niti ke anusar is bar krood ki kimaton ko sthir kiya par isase bhi jyada sakaratmak asar dikhaee nahin diya sirf chand rifaeenarij sheyars ki dasha hi sudhari. par unake ek jagah tikane ke karan bahut mushkil huee kayonki ab in sheyaron ke moolyon koee khas utar chadhaw n hone ke karan in staks par sheyar bajar ke maharathi dalalon ne danw lagana hi chhod diya jisase yah aaidiya bhi majaboot pi ee ke bawajood koee kamal n dikhala saka.

donon khemon ne apane eksapart edawaijars ki salah par kuchh chuninda staks bajar kimat par kharidana shuru kiya. isase inwestars ki to lantari lag gaee apane sheyaron ke achchhe bhaw milane par unhonne munafa katana shuru kar diya aur sheyar bajar ka senseks fir ludhak ludhak pichhale se bhi nichale star par aa gaya.

aap bilkul sahi soch rahen. isake bad n to dewon aur n danawon ke pas hi dhan bacha ki we sheyar bajar men jame rahate. naradamuni ki salah par apani ti aar pi badhane ka sapana to toot hi gaya. to aisa hai sheyar bajar ka senseks ki isaka sahi seks kisi ko bhi pata nahin chalata. jisake karan yah roj roj hai niche girata.

aur aapaka yah sochana bhi apani jagah thik hai ki donon paksh ek hi rananiti par kyon chal rahe the to aapaki janakari ke liye yah batala doon ki donon ke pas diwy shaktiyan hoti hain jinase we wipakshi ke man ki sahi sahi janakari hasil kar lete hain. par unaki ye shaktiyan naradamuni par beasar rahati hain aur sheyar bajar men ghusanewala to wiwekashoony ho jata hai isaliye sheyar bajar ki lutiya ke bare men kuchh soch hi nahin pata hai ki sheyar bajar ki lutiya hai, dooba kar hi jan legi.

naradamuni ki salah par sheyar bajar ke chakkar men dewaraj aur danawasur donon ne hi apana sara dhan ganwa diya aur sath hi chakanachoor huaa unaka prabhutw kayam karane ka sapana. to jis sheyar bajar ne dew aur danawon tak ki want laga di to mrtyulok niwasi aakhir kis khet ki mooli hain, we bhi bilkul mamooli hain.

ab ye mat puchhiyega ki ye sab mujhe kaise pata chala... bhaee wahi rat me jo sapane aaye the na.. unhi sapano me narad ji ne aake sunaya.. tabhi to hamane ulti ganga me chain ki bansi bajaee.

kuchh wichar

kabhi kabhi kisi mod par rookakar
tatolati hoon, apane aapako
sochati hoon
kya tum sahi the?

kaee bar sochati hoon
aur jab tum yad dilate ho
ki aaj bhi tum ho
tab bechaini badh jati hai

par socho na
"tum ho" tumane yah jataya
par "mai bhi hoon"
kya tum yah jan sake?

"mere hone" ko tum
anadekha karate rah gaye
tumhara hona
itana hawi ho gaya ki
mujhe khud ko bachane ke liye
tumhari gali chhodani padi

"tum ho" mai janati hoon
par "mai" bhi "hoon"
tum nahi jan paye
"mai" wahi ji paoongi
jahan "mera hona" bhi hoga

yahi sochakar
fir se chal padi hoon
par tumhe batakar jana chahati hoon
ki jab tumhe lage ki
"tumhare" sath "mera" bhi hona
tumhe pareshan nahi karata
aa jana
fir is anant gagan me
"hama" rahenge
mai aur tum se alag
"hama" banakara

astitw

mai apani chhoti bahan ke kafi najadik hoon, ghar se lekar bahar tak hone wali sari samasyayo ko bantati rahati hai, ye samajhiye ki sone ke pahale ka mera niyam hai ki kam se kam १ ghante wo mujhe tep rikardar ki tarah pura kissa sunati hai, sath me wo apane skul ki waees kaiptan bhi hai to sari ladakiyon ki samasyayen bhi sunati rahati hai. usaki sari saheliyan bhi mujhase kafi judi hai... (bas ab apani tarif nahin)...
mera makasad apani tarif nahi... kuchh kahana hai... in dino nari, chokher bali blag par kuchh gahama-gahami hai... regular nahi dekh pa rahi par samajh me jo aaya hai kuchh aisa hai ki... ek bar fir hamare astitw ko kisi ne lalakara hai... ab ye gahama gahami sirf kisi blang wishesh ke liye nahi balki hamare astitw ke liye hai... wo chahe blang ho y sadak par chalata huaa jiwana... chahe ghar ki charadiwari me rahata huaa jiwana... chahe band mutthi me mitata huaa jiwana...
aise sawal uthate rahate hain... koee apana aakrosh prakat kar pata hai aur koee andar hi andar jalata rahata hai...
mere pas jab aise sawal aate hain to mera jawab hota hai... do hi raste hain... ya to use apani niyati man lo.. ya fir itani aag paida karo ki tumhare astitw par kisi bhi tarah ka sawal uthane ki koee himmat bhi n rakh sake...
aisa kyon ki puroosh jo chahe usaka adhikar hai... aur hama... hamari ichchha usake anusar ho
puroosh sarw shaktiman aur ham usake kaments sunane usake jyadati sahane ke majaboor ho
ye nahi hona chahiye... aur isake liye jab lado to wakaee me lado... fir bhool jao koee bandhana... ham sirf ek sharir hain?... agar han to fir koee sawal hi nahi uthata, agar nahin... to fir hamare kisi ko anguli uthane ka kataee hak nahi hai.
ham sampoorn astitw hain... aur hame ise sabit karane ki jaroorat nahi hai... tum janate ho... aur isaliye apane astitw ko bachane ke liye hamare oopar samaja, rishtedara, sabhyata ityadi dohare mapadando ki sima dal di hai. par ham ladenge apane astitw ke liye apane hak ke liye, samane chahe jo koee bhi aaye... wo koee bhi ho... ham ladenge...
fir ham kisi sabhyata samaj niyam kanun ki parawah nahi karenge... apane hak ke liye arjoon ne apane rishtedaro ke prati gandiw uthaya to wo dharm kahalaya.. to hamara kadam adharm kaise ho gaya?
aage ki bata.. sirf ladenge kahane se bat nahi banane wali... mai yahi kahati hoon.. lado... bina kisi jhijhak ke lado... bina kisi dar ke lado... jab jang apane astitw ko sthapit karane ke liye ho to fir tumhare kadam nahi rookane chahiye... kisi bhi paristhiti me nahin... kaisa dara... bat sharir ki nahi... bat sirf aatma ki bhi nahi.. bat hai inake mel se bane astitw ki... jisake liye ham ji rahe hain. jisake karan ham hai... fir usapar jab koee sawal uthata hai to ladane me dar kaisa.... agar aaj ham nahi lade to hamari aane wali pidhiyan isi aakrosh ki shikar hongi... mai nahi chahati ki meri aane wali pidhi ko sirf isaliye chup rahana pade kyonki wo beti hai... mai ladoongi apane astitw ke liye... aur us aagantuk astitw ke liye... hamare astitw ke liye... jisako jo samajhana hai samajhe...