mujhe pyar hai tumase aur nafarat bhi

                                           aakhir kyon likhata hoon mai ?

mai likhata hoon , ki mujhe pyar hai tumase aur nafarat bhi .

mai likhata hoon , ki yahi musibat   hai meri aur masarrat bhi  .

mai likhata hoon , ki koee bechain si khalish chirati hai mujhe

aur koee anajana sa dard pukarata hai ,

mujhame jagata hai ek diwanagi ka suroor

aur bujh jata hai mere andar wajood ka gurur

mai likhata hoon , ki yahi kam hai mera aur fitarat bhi

.mai likhata hoon , ki mujhe pyar hai tumase aur nafarat bhi

mai likhata hoon , ki wo subah abhi tak aaee nahin hai ,
aur khayal men wo gaharaee nahin hai .
ki ek bachcha bechata hai sadak par akhabar
aur ghar men padi hai usaki man bimar
mai likhata hoon, ki yahi iljam hai mera aur shoharat bhi
mai likhata hoon , ki mujhe pyar hai tumase aur nafarat bhi

mai likhata hoon , ki insaniyat ka hak ada nahin hai ,

aur hawaon men pyar ki sada nahin hai .

ki kamij se pet aaj bhi dhak liye jate hai

aur masoom aaj bhi bhookh se chillate hai

mai likhata hoon , ki yahi tanj hai mera aur ulafat bhi

mai likhata hoon , ki mujhe pyar hai tumase aur nafarat bhi

mai likhata hoon , ki aashiki men eemanadari nahin hai

aur husn men ab wo chingari nahin hai

ki toot gaee hai kisi man ki aas

aur khuda se uth gaya hai aadami ka wishwas

mai likhata hoon , ki yahi ijjat hai meri aur tohamat bhi

mai likhata hoon , ki mujhe pyar hai tumase aur nafarat bhi

mai likhata hoon, ki , har chehare par poshida ek iljam hai,

aur mere hath men bas ek khali jam hai .

ki barasati aa rahi hai jamin par dojakh ki aag ,

aur ubhar aaya hai dharati ke sine ka dag .

mai likhata hoon , ki yahi ajamat hai meri aur kismat bhi ,

mai likhata hoon , ki mujhe pyar hai tumase aur nafarat bhi

mai likhata hoon  ki , mujhe bechain karati hai  rajaniti ki makkari .

                          aur fir jhooth lagati hai mujhe masiha ki wadakari

                          ki ab toot chuka hai pita se kiya wada

                         aur jhuk jata hai satta ke samane  nek irada

mai likhata hoon ki yahi junu hai mera aur wahashat bhi 

                                                   mai likhata hoon ki mujhe pyar hai tumase aur nafarat bhi .

mai likhata hoon ki , ki abhi ummid meri tooti nahin hai

                         aur bachchon ki muskan abhi jhoothi nahin hai

                        ki uthate hai aaj bhi hawaon men wirodh ke swar ,

                         aur ek bejan dil par ho raha hai muhabbat ka asar .

mai likhata hoon ki , baki hai eka  khwahisha  meri aur eka  hasarat bhi

mai likhata hoon ki mujhe pyar hai tumase aur nafarat bhi .

sher ki khal utar kar kutta ho jaoon

tum kaise jinda rahate sher .
jab samane tumhare aadami tha sawa sher .
kash tum ban sakate kutte
to log tumhe god men liye firate .
kash tumane chhod diya hota jangal ka adhikar
to shayad aadami karata tumase bhi pyar .
dekho kutto ko !. dularaye jate hain ,sahalaye jate hain ,
sundariyon ke god men itaraye jate hai ,
aakhir kis guman men ho tum ................!
aadamiyon men bhi jo the sher ,
sab kar diye gaye hai dher .
ab bas kutto ki hi prajati kayam hai ,
sher banana aajakal jarayam hai ,
sab kar rahe hai apane andar ke sher ko shoot
aura, shwan banaye jane ke khul rahe hain danadan instityoot .
ab mai bhi sochata hoon khud ko samajhaoo , aur
sher ki khal utar kar kutta ho jaoon




*duniya me kam hote sheron ke prati .

kahan hain naji

tab ek kawita padhi thi.....................
pahale naji aaye kamyuniston ke liye,
fir yahoodiyon ke liye,
fir tred yooniyanon ke liye,
fir kaitholikon ke liye,
fir protestento liye...........
par ab naji nahi hai .
wo ghus gaye hain har kisi men,
kamyuniston men,eesaiyon men, hinduon men,
muslimon men aur yahoodiyon me.
aur kha rahen hain sab ke andar ki..,
insaniyata, dosti aur pyara,
par sabake chehare par chaspa hai ek ishtahara,
jisamen chamak raha hai...
"ham ek hai " ka wichara.

murdon se khelate ho bar-bar kis liye,

pichhale dinon blang par dharm ko lekar bada wiwad raha .kuchh logon ne ek doosare ke dharm ko nicha dikhane ki purajor koshish ki.jisaka koi auchity nahin tha .sachchaee to ye hai ki aaj ke waijnyanik aur tarkik yug men koi bhi dharm apane mool roop men saty sabit nahin ho sakata.koi bhi dharm utana hi saty hai jitana ki doosara.aur koi bhi dharm utana hi asaty hai jitana ki doosara. halanki ham isase bhi inakar nahin kar sakate ki manawata ke itihas men dharmo ne bhi apani ek wishisht bhoomika nibhaee hai. sabhi ne apane apane halakon men ek bahut bade warg ko ek jaisa sochane aur samajhane ki samajh di hai.par ye bhi saty hai ki dharmon ki etihasik bhoomika ke anek prshth manawata ke rakt se ranjit hai.manawata ki mukti ka aashwasan dene wale sabhi dharm aaj manawata ki bediya bane huye hain. hajaron sal pahale jo bate sochi gaeen thi . unapar sanshay karana aaj swabhawik hi hai. jo bhi ho .yek bat to saf hai ki agar eeshwar hai aur manawata ko usaki aawashyakata bhi hai to usase judane ke liye kisi madhyam , kisi dharm , kisi pranali ki aawashyakata nahin hai.kyon ki agar in madhyamon ki jaroorat ishwar ko hai to fir wo ishwar kaisa hai? aur agar manawata ko hai to bhi iljam khuda par hi jata hai.

to fir meri doston se gujarish hai ki bhawishy ki taraf dekhen atit ki taraf nahin, aakhir

murdon se khelate ho bar-bar kis liye,
karate nahin ho khud pe etabar kis liye .

roj

roj ek duniya leti hai janm
aur roj mar jati hai ek duniya.
roj ek hausala hota hai balanda,
aur roj hi past hota hai ek hausala.
roj ugati hai ek ummida,
aur ek ummid roj dam bhi todatihai.
roj parawan chadhata hai ek pyar ka bukhara,
aur roj utar jata hai ek khumar pyar ka.
to ! kaun kahata hai ki aayegi ek din kayamata?
kayamat to hoti hai roja, kyon ki -
roj hi marata hai ek aadami,
roj ujad jati hai duniya kisi ki,
kisi ka hausala,kisi ki ummida, kisi ka pyara.
koee nahi aata hai kama,
n koee rahabar , n masiha, n sarakara.
fir bhi....
yek aadami hota hai fir paida,
aur jag jati hai,
yek ummida, ek hausala,yek pyara.

mai hi tumhare pyar ke kabil nahi !

kal hi ek gajal kahi jo aap sab ki najar hai.

...........
usaki baton me kahin kuchh ilm ka guman hai.,
ye koee bajigari hai sabako ye imakan hai.!
wo kisi se poochh kar chalata nahin tha raste.,
fir kahan se paee manjil har koee hairan hai!
ab ke barish men barasati aa rahi hai usaki yada.,
sar pe koee chht padi hai is bat se anajan hai!
mai hi tumhare pyar ke kabil nahi tha doston.,
itani hi sachchaee hai bas baki sabhi iljam hai!
ab amiri ka khayal aata nahi hai kya karen..
khalk ki khwaish sabhi hai au sath men eeman hai!
ab ke jab bhi wo milega mai lagaunga gale ..
ye koee khwaish nahin hai bas jara ehasan hai !

apane hi girate hai nasheman par bijaliyan !

ye kahan aa gaye ham yoon hi sath sath chalate ? jasawant sih ko kuchh aisa hi lag raha hoga .gujarat men unaki kitab
par bain lagaya gaya hai . bain lagane wale wahi log hai jo kabhi apane hi the. is bain par mai aapako wetal ki hi tarah ek kahani sunata hoon .sattrahawi shatabdi men frans men do mahan wicharak the jinake wicharon ka fransisi kranti par wishesh prabhaw pada . rooso aur walteyar . donon men kabhi nahi bani . donon ek doosare ke katu aalochak rahe . par jab rooso par pratibandh lagaya gaya to walteyar pahala wyakti tha jisane rooso par bain ka jabaradast wirodh kiya. usaka wichar tha ki aap rooso se asahamat ho sakate hai , aap usake wicharon ka wirodh kar sakate hai ,par aap usaki jaban nahi band kar sakate. wicharon par pratibandh nahi lagaya ja sakata...............................ab wetal ki hi tarah mera aapase prashn hai ki walteyar ne apane wirodhi ki swatantrata ke liye ladaee kyon ladi ? aur kya ham abhi bhi apani soch men satarahawi shatabdi se bhi pichhe hai? bi je pi soch rahi hai .... chalo achchha huaa apanon men koee gair to nikala . aur jasawant sih soch rahe hai, " ki apane hi girate hai nasheman par bijaliyan ". aur aap kya sochate hai?