sahityik patrakarita- sawal sirf pathakon ka nahin

umesh chaturwedi
pachas karod hindi bhashiyon ke desh men agar hindi ki sabase lokapriy patrika hans barah hajar ke aasapas hi bikati ho to, hindibhashiyon ke sahityik sansar par sawal uthenge hi. kisi bhi bhasha ki rachanashilata ki sabase behatar pratinidhi usaki sahityik patrikayen hi hoti hain. nishchit taur par is morche par hindi ka poora paridrshy nirashajanak hai. hindi ki lokapriy patrakarita men jis tarah dainik akhabaron ki bhoomika badhati ja rahi hai, wah nishchit taur par hindi ke liye behatar sanket to hai. lekin is lokapriyata ke baraks hindi men kam se kam sahityik patrakarita ko lekar pathakon men sanskar wikasit nahin ho paye hain. hindi men jab bhi isaki taraf dhyan diya jata hai, sabase pahala dhyan rajabhasha ko lekar sarakari udasinata ki or hi jata hai. rajabhasha banane ke bawajood niti niyantaon aur satta wimarsh men hindi ki bhoomika waisi nahin ho paee hai, jaisi angreji ki hai. rachanashilata aur rachanatmakata se jude wimarsh ko lekar hindibhashi rajyon ko chhod den to kendriy star par hindi sapeksh mahaul abhi banana baki hai. lekin sirf isi wajah se yah man liya jay ki hindi ke liye sahityik patrakarita ka mahaul nahin raha to yah nishkarsh adhoora hi mana jayega.
hindi men aaj bhi lokapriy kitabon ka sanskaran hajar se do hajar tak hi hota hai. sahityik patrakarita par charcha ke wakt hindi prakashan jagat ki udasinata par bhi dhyan jana sahaj hi hai. yah sach hai ki hindi ki kamaee khane wale prakashakon ne bhi hindi ke sahityik sanskar ko wikasit karane men koee khas yogadan nahin diya. aajadi ke tatkal bad choonki mahaul rashtriyata se otaprot tha, lihaja us wakt hindi ke liye sochane-marane wale log the. us mahaul ka hi asar tha ki us wakt hindi men sahasik pahal karane ki jidd ka bolabala tha. lekin jaise-jaise udarikaran ki taraf hamare kadam badhate gaye, hindi ki rachanashilata ko lekar jiddipan men kami aati gaee. sahasik pahal to ab sirf angreji ki hi bat hai. yah kahana ki sirf isake chalate hi hindi men lokapriy sahityik patrakarita ke kshitij ka failaw nahin huaa to yah bhi atishayokti hi hogi. halanki yah bhi ek karan jaroor ho sakata hai.
aaj hindi ke kuchh utsahi karyakarta tark dete nahin thak rahe hain ki jab bhaskara, jagarana, amar ujala, rajasthan patrika, hindustana, saras salila, pratiyogita darpana, grhashobha lakhon ki sankhya men bik sakate hain to hindi ki koee sahityik patrika kyon sat se das hajar ki sankhya tak bhi nahin pahunch pati. lekin yah tark bhi ekangi hi hai. kyonki jo samagri saras salil men chhap sakati hai, wah kisi sahityik patrika ki samagri nahin ho sakati. daraasal har prakashan aur wishay wishesh ka apana anushasan hota hai. bachchon ki patrika men samose banane ki widhiyan ya fir lipastik lagane ke tarike ki janakari nahin di ja sakati. waise hi mahila patrikaon men rajanitik bhandafod ki samagri dena bhi atapata hi lagega. kuchh yahi halat sahityik patrakarita ki bhi hai. wahan har tarah ki samagri dena sanbhaw hi nahin hoga. aise men kisi sahityik patrika ki kisi lokapriy patrika se tulana hi bemani hoga. lekin dilli men hal hi men huee aisi ek goshthi men aisi tulana ki gaee to hangama mach gaya.
hindi men sahityik patrakarita ke samane aaj prasar ka jo sankat dikh raha hai, usake do karan hain. pahala to wicharashilata ko bhautik yani aarthik prashray dene wale udar hathon ki kami ho gaee hai. udarikaran ke daur men is tathy par gaur faramane ki kahin jyada jaroorat hai. waicharikata se otaprot sahasik pahal karane wale logon ki kami bhi hamare is pichhadepan ke liye jimmedar hai. waise to har tarah ki patrakarita pathak kendrit hi hoti hai. lekin sahityik patrakarita par pathak ko sanskarit karane aur waicharikata se lais karane ki jimmedari bhi hoti hai. waise yah kam kshetr wishesh ke niyantaon aur bhasha ki kamaee khane wale warg ka bhi hai, taki we apani bhasha ko jimmedar aur waicharik rachanashilata ka wahak bana saken. durbhagy se is morche par koee kam nahin huaa hai. jahir hai ki pathakiy sanskarahinata bhi aaj sahityik patrakarita ki rah men roda banakar khadi hai. jis angreji men kitabon ki bikri ke aankade ginate ham apani hindi men aise bhawishy ki chinta karate rahate hain, paisa, pathakiyata aur udarikaran ke bawajood wahan bhi sahityik patrakarita ki koee bahut jyada behatar sthiti nahin hai. wahan bhi agar kala akadamiyan ya trast aur wishwawidyalay madad nahin karate to granta ya nyooyarkar jaisi patrikaon ke sahaj prakashan ka anuman bhi nahin lagaya ja sakata. jabaki bharat men hi angreji ki kisi kitab ka panch hajar se jyada ka sanskaran nikalata hai.
to kya yah man liya jay ki hindi ki sahityik patrakarita men sarwatr ghatatop andhera hi andhera hai. filahal bhale hi aisa lag raha ho, lekin sach to yah hai ki ek bar fir hindi ki kamaee kha rahe logon par hi is andhere se bahar nikalane ki jimmedari hai. bade akhabar samooha, sansthanik gharane aur wishwawidyalay agar poonji ka aadhar muhaiya karayen to hindi sahityik patrarakarita men rachanashilata ko naya aayam milega. tab shayad hamen pathakon ka rona n rone ka koee karan bhi nahin rah payega.

bhala ho ham hindi walon ka

umesh chaturwedi
rajadhani dilli men in dinon takariban roj hi kahin halaki aur tej barish ho jati hai. barasati fuharon ke bich mausam men thandak ka ahasas hona swabhawik hai. lekin yahan rajabhasha ke sahityik galiyare men in dino garami ki tasir kuchh jyada hi mahasoos ki ja rahi hai. garami ki wajah bana hai desh ke sabase pratishthit sahityik sansthan bharatiy jnyanapith ki patrika naya jnyanoday men prakashit shahar men karfyu ke upanyasakar wibhooti narayan ray ka ek intarawyoo. jisamen unhonne hindi ki kuchh lekhikaon ki aatmakathaon ke bahane asansadiy kism ki tippani kar di hai. choonki wibhooti narayan ray gandhi ji ke nam par bane antararashtriy hindi wishwawidyalay ke kulapati aur uttar pradesh kaidar ke poorw pulis adhikari hain, isaliye unaki lanaten-malamaten ka daur tej ho gaya hai. hindi ke atijanawadi ektiwist patrakaron, lekhakon aur sanskrtikarmiyon ka grup ray ko hindi wishwawidyalay se barkhast karane ko lekar abhiyan jari rakhe huye hai.
is ladaee ko lekar bahasabajiyon ka daur tej hai. kya galat hai aur kya sahi, is par wichar kiya jana yahan uddeshy bhi nahin hain. is poore bahas men ek tathy par dhyan nahin diya gaya ki yah masala uchhala kaise. daraasal ray ke intarawyu ko lekar sabase pahale apani aakramakata ke liye mashahoor angreji akhabar indiyan eksapres ne khabar banaee. agast mahine ke pahale din is khabar ke chhapane se karib haftabhar pahale se naya jnyanoday ka ank bajar men maujood tha. lekin use kisi ne notis nahin liya, notis liya bhi gaya to taba, tab eksapres men yah khabar saya huee. tab se desh ke ati janawadi sahityik-sanskrtik kheme ka harawal dasta wibhooti narayan ray ke khilaf pil pada hai. aisa kaise ho sakata hai ki hindi men ektiwist ki bhoomika nibha rahe is harawal daste ke kisi sadasy ki najar mool hindi men hindi ki pramukh sahityik patrikaon men shumar naya jnyanoday par nahin padi hogi. unaki najar men wibhooti ka intarawyu wiwadaspad tabhi bana, jab eksapres men isaki khabar huee. yahan is tathy par bhi dhyan diye jane ki jaroorat hai ki kya eksapres ka riportar hindi ki patrikaon se utane hi sahaj tarike se babasta hote hain, jitana we angreji prakashanon ke sath hote hain. agar aisa hai to hindi ke liye yah sukhad bat hai. lekin isaki ummid kam hi najar aati hai. jahir hai aise men shak ki sooee jnyanapith ke aakaon par bhi uthati hai ki kahin patrika ko charcha men lane ke liye unhonne hi is intarawyu ki kanpi eksapres riportar ko muhaiya karaee ho.
is masale par poori bahasabaji aur uthane-girane ki sahityik-sanskrtik pahalawani men hindi-angreji ka mudda shamil karana pragatiwadiyon ko bura lag sakata hai. lekin hakikat yahi hai. is mudde ne angreji manasikata ko hindi walon ka majak udane ka baithe-bithaye mauka hi de diya hai. jaisa ki tebalayad patrakarita ka charitr hai, angreji ke ek nawele tebalayad akhabar ne is poore masale ko chatakhare lekar tafasil se prakashit kiya. agar itana hi hota to ganimat thi. lekin lage hathon usane tippani bhi kar di ki hindi walon ke isi charitr ke hi chalate hindi ki yah halat bani huee hai. yani hindi aaj bhi agar cheri ki bhoomika men hai to us angreji akhabar ke mutabik wibhooti jaise logon ki satahi tippaniyan aur us par bawal machane wale pragatiwadiyon ki aapasi joraaajamaish ka bhi hath hai. lage hathon us akhabar ne hindi walon ko sujhaw bhi de dala ki hindi ko aage le jana hai to aisi ochhi harakaton se bacho. hindi wale chahe jitana krantikari banane ka dawa karen, apane bhashaee swabhiman ki charcha karen, lekin hakikat yahi hai ki aapasi sirafutauwwal men ustadi ki tulana men bhashaee swabhiman kam hi hai. choonki angreji thahari desh ke asal rajakaj ki bhasha - niti niyantaon ke sochane-wicharane ki bhasha, lihaja unhen angreji ke us tebalanyad akhabar ke sujhawon se koee pareshani nahin hai. ulate unhen ye sujhaw achchhe lag rahe hain. bhala ho ham hindi walon ka ....
sahityik aur sanskrtik halakon men jab bhi kisi samasya ki charcha hoti hai, rajaniti ko doshi thaharane ka khel chalu ho jata hai. rajaniti doshi hai bhi, lekin sabase badi bat yah hai ki abhiwyakti ki swatantrata ke chalate rajaniti par sawal khade karana aasan hai. ikka-dukka ghatanaon ko chhod den, to rajaniti hamari jindagi men itana spes muhaiya jaroor karati hai ki aap usaki aalochana kar saken. lekin kya itana spes hamare sanskrtik aur sahityik halakon men hai...nishchit taur par isaka jawab na men hai. sanskrti aur sahity ke masale par agar kisi ki or ungali uthati hai to usake pichhe adhikansh wakt nitant niji swarth aur apana badala chukane ki bhawana hoti hai. sahityik krtiyon ki aalochana ke pichhe bhi yahi dharana kam kar rahi hoti hai. sahityik aur sanskrtik aalochanaon ko swasth andaj men liya bhi nahin jata. swasth aalochak se dushman ki tarah wyawahar kiya jane lagata hai. aise men fir kaise hoga apani hindi ka wikasa....sochana to hamen hi padega. lekin sabase bada sawal yah hai ki kya ham aisi waicharik muthabhedon ke liye taiyar hain. hindi men in dinon jari pahalawani ke khel se aisa to nahin hi lag raha.

pratham chandrayan puraskar kathakar shekhar joshi ko

hindi ke labdh pratishthit kathakar shekhar joshi ko manik daftari jnyanawibha trast ke pratham chandrayan puraskar- 2010 se nawaja jayega. ek pres wijnyapti men prabandh nyasi dhanaraj daftari ne bataya hai ki nayi kahani men samajik sarokaron ka pratibaddh swar jodane wale shekhar joshi ko puraskar swarup 31000 rupaye ki rashi bhent ki jayegi. puraskar samorah kolakata ke bharatiy bhasha parishad men rawiwar 18 julaee ko aayojit hoga. is samaroh ki adhyakshata bharatiy bhasha parishad ke nideshak daktar wijay bahadur sinh karenge jabaki jane-mane aalochak danktar shiwakumar mishr mukhy wakta ke taur par karyakram men shirakat karenge. is awasar par shekhar joshi ki prachalit kahani dajyu ka path patrakar prakash chandaliya karenge. sitambar १९३२ men almoda janapad ke ojiya ganw men janme shekhar joshi ki praranbhik shiksha ajamer aur deharadoon men huee. katha lekhan ko dayitwapoorn karm manane wale joshi hindi ke suparichit kathakar hain. unhen u.pra. hindi sansthan dwara mahawir prasad dwiwedi puraskar-1987, sahity bhooshan-1995, pahal samman-1997 se sammanit kiya ja chuka hai. shekhar joshi ki kahaniyon ka tamam bharatiy bhashaon ke alawa angreji, cheka, roosi, polish aur japani bhashaon men anuwad kiya ja chuka hai. kuchh kahaniyon ka manchan aur dajyu namak kahani par bal film sosayati ne film bhi banaee hai. shekhar joshi ki pramukh prakashit krtiyan hain- koshi ka ghatawara, sath ke loga, halawaha, naurangi bimar hai, mera pahada, pratinidhi kahaniyan aur ek ped ki yada. dajyoo, koshi ka ghatawara, badaboo, mental jaisi kahaniyon ne n sirf shekhar joshi ke prashansakon ki lambi jamat khadi ki balki nayi kahani ki pahachan ko bhi apane tarike se prabhawit kiya hai. pahadi ilakon ki garibi, kathin jiwan sangharsha, utpidana, yatana, pratirodha, ummid aur naummiddi se bhare audyogik majadooron ke halata, shahari-kasbaee aur nimnawarg ke samajik-naitik sankata, dharm aur jati ki roodhiyan unaki kahaniyon ka wishay rahe hain.

bharatiy bhashaon ke jariye banata naya itihas

umesh chaturwedi
1994-95 ki bat hai. dilli ke tab ke mukhyamantri madanalal khurana widesh daure par the. unaki gairamaujoodagi men tab ke shiksha aur wikas mantri sahab sinh warma karyakari mukhyamantri ki bhoomika nibha rahe the. is dauran unhonne tay kiya ki pablik skoolon men pahali kaksha se hi angreji ki padhaee par rok laga di jay aur unhonne use rok diya. ise lekar rajadhani ke angrejibhashi samaj men bhoochal aa gaya. angreji midiya aur pablik skoolon ne sur men sur milakar tark dena shuru kar diya tha ki angreji ki padhaee ke bina takaniki padhaee ka kya hoga. yahan yah batana bekar hai ki madanalal khurana ke widesh se lautane tak angreji ke khewanahar jit gaye the aur sahab sinh warma ka ganwaee man masos kar apane hi faisale ko wapas hota dekhata rah gaya. lekin is sal aaeeaaeeti ki pariksha ke jo natije aaye hain, usane is dharana ko galat sabit kar diya hai ki hindi madhyam wale bachche desh ki is sabase behatar takaniki sansthan men dakhila nahin le sakate aur behatarin widyarthi nahin ho sakate.
is sal aaeeaaeeti ki sanyukt prawesh pariksha men kul 13,104 ummidawar safal huye hain. jisamen hindi madhyam se pas hone wale chhatron ki sankhya 554 hai. terah hajar se jyada kamayab chhatron ke bich hindi wale chhatron ki itani sankhya chhoti ho sakati hai. lekin pichhale rikanrd par jab najar jati hai to yah kamayabi kahin jyada badi najar aati hai. khud aaeeaaeeti ke hi mutabik pichhale sal hindi madhyam se sirf 184 pratiyogi safal rahe the. isaki tulana men to is sal ki kamayabi karib tin guna jyada baithati hai. jahir hai ki isase hindi madhyam se padhaee karane wale naye pratiyogi aur utsahit honge aur agali bar kamayabi men unaki bhagidari aur bhi jyada hogi.
1835 men jab maikale ne mint yojana lagu ki thi to usaka ek matr uddeshy angreji sarakar ke liye babuon ko taiyar karana tha. maikale ki aatma jahan bhi hogi, wah apani kamayabi ka ab tak jashn manati rahi hai. kyonki bharat men angreji ka wyawahar angreji ki apani british dharati ki tulana men kahin jyada raha hai. lekin aaeeaaeeti men hindi madhyam walon ki kamayabi ne kam se kam maikale ki aatma ko bhi ab jaroor pareshan karana shuru kar diya hoga. apane desh men jab bhi angreji ke khilaf koee tark diya jata hai, turant hindi ke wirodh men bhi kaha jane lagata hai ki hindi men jnyan-wijnyan ki padhaee ke liye n to kitaben hain aur n hi usamen itani kshamata hai ki wah angreji ki tarah takaniki aur jnyan-wijnyan ki chijon ko abhiwyakt kar sake. isake khilaf chin aur japan ki takaniki kranti aur duniya men aarthik mahashakti banate jane ka udaharan bhi diya jata raha hai. lekin bharatiy manasikata yah hai ki wah apani sanatani paddhati ke gauraw ka jikr to karati hai, lekin bharatiyata ke pratik mane jate rahe do shabdon ganga aur sindoor ko dene wali dharati ki or nahin jhankati. bharatiyata ke pratik ye donon hi shabd padosi desh chin se aaye hain. chin ki pragati ki ham ab bat to karane lage hain, lekin wahan jari apani bhashaon aur angreji ke khilaf badhate mahaul ko lekar ham udasin hi rahate hain. aarthik udarikaran ke daur men chin aur japan ki takaniki kranti ab hamen bhi lubha rahi hai, ham unhin ki tarah aarthik mahashakti banane ki rah par aage badhane ki bat to karane lage hain, lekin hamen unaki tarah apani bhashaon se pyar ka kakahara sikhane men jhallahat aur hichak jari hai.
desh men badhate angreji madhyam ke skoolon ke pichhe ek bada tark yah bhi hai ki hindi madhyam se padhaee karane wale log klark aur chaparasi to ban sakate hain, lekin injiniyara, danktar aur aaeeyeyes nahin ban sakate. yahi wajah hai ki desh ke dooradaraj tak ke ilakon men angreji madhyam wale skoolon ki badh aa gaee hai. logon men yah bhawana ghar kar gaee hai ki chahe bhookhe rahenge, aadhi roti khayenge, lekin apane bachchon ko angreji madhyam ke skoolon men hi padhayenge. halanki is prawrtti ki mukhalafat sath ke dashak men diyes kothari ki adhyakshata wala kothari kamishan se lekar aaj ke daur ke mashahoor shikshashastri aur waijnyanik profesar yashapal tak kar chuke hain. sabase badi bat yah ki donon hi widwan angreji ke bhi waise hi janakar hain, jaise bharatiy angreji dan hain. desh ki takariban har sarakar bhi in widwanon ki ray ka aadar karati rahi hain, lekin angreji samarthak lanbi ke dabaw men bachchon se angreji ka dabaw hatane ki disha men kabhi ichchhashakti nahin dikha paeen.
bharat ke apane log aur apane aguaa bhale hi jis kam ko nahin kar paye, aarthik udarikaran ke bad badhate bharat ke wishal madhyawarg ne wah kar dikhaya hai. aaj bharat men mana ja raha hai ki karib chalis karod logon ka wishal madhyawarg hai, jisaki kharid kshamata badhati ja rahi hai. yahi wajah hai ki duniya ke badi kanpaniyan tak kamaee ke liye bharat ka rookh kar rahi hain. unhen pata hai ki is bajar ka dohan hindi aur bharatiy bhashaon ke jariye hi kiya ja sakata hai, yahi wajah hai ki we hindi men kam ko badhawa de rahi hain. is tarah hindi naye sire se pratishthapit ho rahi hai. hindi aur bharatiy bhashaon ke is jayagan men bharatiy lokatantr ka bhi bada hath hai. lokatantr men pichhadi aur anusoochit jatiyon ke logon ki aitihasik karanon se angreji tak wah pahunch nahin ban paee hai, jo hindi aur bharatiy bhashaon ki hai. koee sarakar bhale hi rajabhasha ke manch par pratishthit rajabhasha ki upeksha kar de, lekin satta wimarsh men ubhar kar samane aa rahi in jatiyon aur in wargon ki anadekhi nahin kar sakati. isaliye unhen hindi aur bharatiy bhashaon ko aaeeaaeeti aur sangh lokasewa aayog tak prawesh dena pad raha hai, jahan hindi ab tak cheri ya doyam bhoomika men rahi hai. isaka natija dikh raha hai ki ab hindi madhyam ke pariksharthi aaeeaaeeti aur siwil sarwis tak men kamayab hone lage hain. karmik mantralay ne siwil sarwis pariksha ki jo riport jari ki hai, usake mutabik pichhale sal aaeeyeyes ke liye jin 111 logon ka chayan huaa, unamen se hindi madhyam ke safal pratiyogi 19 the. sangh lokasewa aayog ke hi mutabik is sal kamayab tanp 25 men char pratiyogiyon ne hindi madhyam men pariksha di thi. in chhatron ki kamayabi ka jashn isaliye bhi jyada ho jata hai, kyonki khud aaeeaaeeti ki aargenaijing kameti ki riport hi manati hai ki hindi madhyam se pariksha dene wale chhatron ke liye aaeeaaeeti pariksha men pas hona aasan nahin hai.
jahir hai isaka asar samajik taur par bhi pad raha hai. sangh lokasewa aayog ke sadasy aur hindi ke jane-mane widwan purushottam agrawal bhi manate hain ki hindi madhyam ne siwil sarwis ki parikshaon men gramin ilakon ke chhatron ke liye bhi darawaje khole hain. jahir hai isaka asar injiniyaron aur siwil sewa adhikariyon ki manasikata par bhi padega. ab tak in sewaon ko sirf shahari najariye se hi dekha jata raha hai. bharat ke ganwon ke pichhadepan ko lekar ab tak jitane bhi aarop lagate rahe hain, usamen ek bada karan yah bhi mana jata raha hai ki jo bhi yojanayen banati hain, unhen banane wale jyadatar logon ko ganwon se parichay sirf nibandh lekhan tak hi hota hai. lekin hindi aur bharatiy bhashaon ke madhyam se jo chhatr injiniyaring ya siwil sarwis men aa rahe hain, unaka najariya jahir hai kuchh alag hi hoga. unaki soch apane dhool bhari ganwon ki galiyon ke utthan ke liye bhi hoga. to kya ham ye manane lagen ki bharat ki 65 pratishat gramin aabadi men badalaw ki naee bayar bahane wali hai. aaeeaaeeti aur siwil sarwis men hindi aur bharatiy bhashaon ki yah kamayabi kam se kam aisi ummid to jaroor jatati hai.

witanda ka blang

umesh chaturwedi
blang yani web lang ke bare men mana jata hai ki isase aam abhiwyakti ko naya aayam mila hai. warchual duniya ke is apoorw madhyam ne un logon ko bhi abhiwyakti ke liye aisa spes muhaiya karaya hai, jinake wicharon aur samasyaon ko aadhunik midiya ke paranparik madhyamon men jagah nahin mil pati. isase mukt abhiwyakti ko naya aayam mila hai. aisa mana ja raha hai ki hindi men in dinon kam se pandrah hajar blang sakriy hain. jin par log apane wicharon, apani rachanadharmita ko mukt bhaw se abhiwyakt kar rahe hain. ye blang tamam tarah ke wishayon par kendrit hain- dharma, samaja, sahitya, rajaniti, sanskrti, arth wyawastha, wijnyan aur seks samet tamam tarah ki charchayen aaj blanging ke kendr men hain. is lihaj se dekhen to intaranet ki duniya men hindi naye tarah se karawat le rahi hai.
lekin dukh ki bat yah hai ki abhiwyakti ka sabase naya yah janamadhyam bhi paranparik midiya ke rogon se grast ho chuka hai. khabariya chainalon ko in dinon har doosara wyakti unaki kantent aur bhasha ko lekar gali deta mil jayega. khabariya chainalon par aarop hai ki we teliwijan reting pwaint yani tiaarapi ke liye kantent aur bhasha se khilawad kar rahe hain. afasos ki bat yah hai ki blanging ki duniya ke kuchh aham khiladi bhi in dinon sanasanikhej patrakarita ki hi rah par chal pade hain. jinake liye apani hit badhane ka ek hi tarika najar aa raha hai, kantent aur bhasha ke sath parose jane wale wishayon ke sath khilawad karo. taki unaki charcha ho aur warchual duniya ke yayawar unake pas chale aayen aur unaki hit ko badhayen taki we warchual duniya men apani badashahat ko sabit kar saken. yah kuchh waise hi ho raha hai, jaise hal ke daur tak hindi ke khabariya chainal nag-nagin ko nachane se lekar eliyan ke hathon gayon ko dharati se antariksh ki duniya men bhijawate rahe hain. blanging ki duniya men itana atiwad nahin hai. lekin yah jaroor hai ki satahi wishayon ko sanasani ki chashani men jamakar parosa ja raha hai. aur hamari jo manasik bunawat hai, hamara jo samajik dhancha hai, usamen tatkalik taur par sanasani ki chashani behad mithi aur lubhawani lagati hai. lihaja is chashani ko parosane wale blang in dinon hit hain.
intaranet ke khojakarta desh amerika men blanging ki duniya isase kahin aage nikal gaee hai. wahan to sahi mayane men warchual duniya ka yah madhyam aaj mukhyadhara ke midiya se kam se kam mukt aur jimmedar abhiwyakti ke madhyam ke taur par jabardast takkar de raha hai. pichhale sal ameriki rashtrapati barak husain obama ki tajaposhi men jin karakon ki pramukh bhoomika rahi, usamen ek bada karak wahan ke jimmedar blangar aur blanging hi rahi. wahan ka mukhyadhara ka midiya jarj bush jooniyar ke bare men takariban wahi likh ya dikha raha tha, jo we chahate the. afaganistan aur irak yuddh ki hakikat se aam ameriki ka ek bada warg anajan tha. lekin jimmedar aur sakriy blangaron ne use anajan nahin rahane diya. ameriki senaon ki afaganistan aur irak men karatoot aur isase ho rahe nukasan ko blangaron ne bakhoobi bayan kiya. isake chalate ripablikan ummidawar jann maikenan ko apani tamam achchhaiyon ke bawajood har ka munh dekhana pada. kyonki we us jarj bush ke uttaradhikari banane chale the, jinaki nitiyon ki wajah se ameriki senayen irak aur afaganistan men fansi padi hain.
hindi ki blanging ki duniya abhi itana paripakw nahin ho paee hai. yah kahana bhi ek tarah ka atiwad hi hoga. yahan kanoona, bhasha, sinema, rediyo aur wibhinn darshanik aur rajanitik wicharon ko lekar blanging ki duniya men mahatwapoorn kam ho raha hai. lekin witandawadi blanging ke chalate unaki pahunch behad simit hai. unake bare men kam hi log jan pate hain. lekin ye tay hai ki jis tarah bharat ke doosare aur tisare darje tak ke shaharon se lekar ganwon ki chaupal tak intaranet ki pahunch badhati ja rahi hai, mukt abhiwyakti ka yah janamadhyam aur sashakt banakar ubharega. tab sanasani ki chashani ki mithas kadawe swad men badalati najar aayegi.
( yah lekh bhopal se prakashit akhabar pipuls samachar men chhap chuka hai. )

badalaw ki aahat

umesh chaturwedi
apane yahan jab bhi kisi ko prashasanik aur rajanitik wyawasthaon se insaf nahin milata, to usake pas adalat ka darawaja khatakhatane ke alawa koee chara nahin hota. adalaton se unhen insaf bhi milata hai. sanwaidhanik takat aur rasookh rakhane wale haeekort aur suprim kort par aaj desh ke nagarikon ka bharosa kahin jyada badh gaya hai. jahir hai ki is bharose ki wajah wahan nyay ki amol kursi par baithe nyayadhishon ka aacharan aur unake insafapasand faisale hi rahe hain. lekin aam logon ko kam hi pata hoga ki upari adalaton ke nyayamoortiyon ki niyukti men bhi rajaniti hoti hai aur aksar wahi rajanitik satta aakhirakar hawi ho jati hai, jinake khilaf kaee bar un jajon ko hi sunawaee karani padati hai. bharat ke kisi haeekort ki pahali mahila mukhy nyayadhish lila seth ki aatmakatha se gujarate huye is rajaniti ke darshan bar-bar hote hain. angreji ke mashahoor upanyasakar wikram seth ki man lila seth ki ghar aur adalat nam se aaee yah aatmakatha chhah sal pahale angreji men ऑn bailens ke nam se prakashit ho chuki hai. tab ise angreji men hathonhath liya gaya tha. lekin adalati niyuktiyon ki rajaniti se hindi pathakon ka dastaweji sabaka ab jakar pada hai, jab penguin indiya ne yah kitab hindi men anoodit karake prakashit ki hai. is rajaniti ko janane aur samajhane ke liye pathakon ko kitab ke shabdon se gujarana hoga. jisamen lila seth ne bebaki se likha hai ki rajaniti ke chalate we suprim kort ki jaj nahin ban paeen aur suprim kort ki pahali mahila jastis hone ka gauraw keral ki jastis fatima biwi hasil karane men safal rahin. is poori kahani ko janana aur samajhana is kitab ke hi jariye ho sakata hai. itana hi nahin, ye aatmakatha ek aisi mahila ke aatmasangharsh ki kahani bhi hai, jisake pita ki usake bachapan men hi maut ho jati hai. man use sangharshon men palapos kar bada karati hai aur wah ladaki apani jindagi ki shurooaat relawe ke ek adhikari ki steno aur taipist ke taur par karati hai. lekin adhyawasay nahin chhodati aur wakalat pas karake wakil banati hai aur itani safal wakil banati hai ki use yahi wyawastha haeekort ka jastis aur fir chif jastis banane ke liye majaboor ho jati hai. is kitab men a sootebal bwany ke lekhak wikram seth ki shabdon ki duniya men utarane aur kamayab banane ki poorwapithika ka bhi darshan karane men yah kahani safal rahati hai.
is stanbh men is kitab ki charcha ka makasad paranparik samiksha nahin hai. balki hindi prakashan ki duniya men aa rahe badalawon ko bhi rekhankit karana hai. pustakalayon ke liye kharid par kendrit rahi hindi prakashan ki duniya men penguin waiking dhire-dhire kranti lane ki taiyariyon men jut gaya hai. anyatha paranparik prakashan ki duniya aaj bhi jugad aur usi paranparik kahani-kawita ki hi duniya men khoyi-simati hai. lekin penguin hindi prakashan ki duniya ke naye darawajon par dastak de raha hai. waicharikata aur wimarsh se lekar paranparik khanche se bahar ki hindi ki duniya men jhankane ki koshishen aur bajar ki jarooraton ke mutabik marketing ke sath utare penguin hindi prakashan ka chehara badal raha hai. ilektrannik midiya ke jariye jab se pata chala hai ki hindi ka wishal madhyawarg bajar ki badi takat ban kar ubhara hai. us bajar par kabja jamane ki koshishon men udarikaran wali arthawyawastha wali takaten jorashor se kood padi hain. mal kalchar ke jariye kabja jamane ki is hod ko samajha ja sakata hai, jisaki prakriya mahanagaron se lekar doosari shreni ke shaharon tak men dikhane lagi hai. hindi ke is bajar ki charcha kijiye to paranparik prakashak aaj bhi mayoos aur rote huye se dikhenge. is roodan ke bawajood unaki samrddhi badhati ja rahi hai. lekin pathakiy samrddhi ke sath hi lekhakiy gauraw aur samrddhi ki or unaka dhyan nahin hai. lekin is or dhyan penguin ne diya hai. bharat men udarikaran ke bad aa rahi wideshi kanpaniyon ki mansha par ab tak n jane kitane sawal uthaye ja chuke hain. lekin penguin par sawal nahin uth rahe hain. jabaki wah bhi hindi ke bajar se hi kamaee karane ke liye utari hai. isaki wajah yah hai ki wah hindi ke is wishal bajar ko profeshanal aur sanskrtik najariye se samrddh karane ki koshish men hi juti hai. ummid ki jani chahiye ki bharatiy aur khasakar hindi ke prakashak bhi aise hi najariye se bajar men utarane ki koshish karenge aur ab tak dinahin samajhi jati rahi hindi prakashan ki duniya ka chehara badal sakenge.
(yah aalekh pipul samachar bhopal men prakashit ho chuka hai)

yef em chainal ke karmachari sangharsh ko taiyar

yef em sahit aakashawani dilli ke wibhinn chainalon men kam karane wale saikadon udaghoshakon aur karmiyon men adhikatar kalakaron ko pichhale gyarah mahinon se bhugatan nahin kiya gaya hai. kuchh to aise bhi hain jinhen isase bhi adhik samay se paise nahin mile hain. isake liye shrotaon, kalakaron w samajik karyakartaon ke sath milakar in karmachariyon ne apana rediyo bachaon abhiyan shuru kiya hai. abhiyan ka manana hai ki rediyo ke niji chainalon ko fayada pahunchane ke uddeshy se aakashawani ki sthiti badattar banaee ja rahi hai.

rajadhani men apana rediyo bachaon abhiyan men lage shrotaon, kalakaron w samajik karyakartaon ka manana hai ki rediyo ki bhi waisi hi sthiti banaee ja rahi hai jaisa ki teliwijan ke niji chainalon ke liye jagah banane ke liye warshon poorw dooradarshan ki banaee gaee thi. niji chainalon ke shuru hone se pahale maitron chainal ko sabase jyada lokapriy banane ki koshish ki gaee. usake jariye darshakon ki roochi ko masalan bhasha aur wishay wastu aadi har star par badalane ki poori koshish shuru ki gaee. dooradarshan ke karmachariyon ki bhi shikayaten un dinon kafi badh rahi thi aur un par dhyan dene ki jaroorat sarakar mahasoos nahin kar rahi thi. in dinon rediyon ke paryay ke roop men efayem chainalon ko jana jata hai. khasataur se manoranjan ke liye shrotaon ki badi tadad ef em chainalon ke karyakramon ko sunati hai. lekin aakashawani ke em em chainalon ki jo sthiti hai use dekhakar aashchary hi nahin hota hai balki ye ek bharose ke sath kaha ja sakata hai ki rediyon ke niji chainalon ke wistar ke liye aakashawani ke aala adhikari kam kar rahe hain. yad dilane ki jaroorat nahin honi chahiye ki teliwijan ke niji chainalon ki shurooaat men dooradarshan ko chhodakar usake kaee bade adhikari niji chainalon ki sewa men unchi tanakhwah par chale gaye the.

yek taraf to rediyo ka teji se wistar ho raha hai aur doosari taraf aakashawani par warshon se naee niyuktiyan nahin hueen hain aur yahan program prajenteshan ka kam aakasmik prastota hi karate hain. kam ke ghante adhik aur parishramik kama, is par bhi bhugatan men warsh bhar ki deri . jabaki sansad ki ek samiti ne aakashawani men asthayi kalakaron ki badatar sthiti par chinta jahir karate huye unaki sthayi niyuktiyan karane ki sifarish ki thi.

rediyo ke sabase lokapriy em ef chainalon ke liye kam karane wale kalakaron ne do mahine ke dauran sambandhit uchchadhikariyon se milakar in sthitiyon se awagat karaya hai lekin sthitiyan jas ki tas hain . "apana rediyo bachao " manch ke tatwawadhan men lagabhag bis sakriy prajentaron ka ek pratinidhimandal aakashawani mahanideshak ko pahale १७ farawari aur fir २६ aprel २०१० ko jnyapan de chuka hai . is jnyapan men karyakramon ke girate stara, bhugatan men abhootapoorw wilamb ke aur dhyan dilaya gaya hai aur ef em gold chainel men chal rahi gadabadiyon ke liye ef em gold chainal ki karyakram adhishasi MrsMmmmmmmmm Mrs. Ritu Rajput ko jimmewar bataya gaya hai. lambe samay tak yah chainal desh ke sarwadhik lokapriy chainels men raha hai aur isake soojhaboojh se bhare manoranjak aur jnyanawardhak karyakram wyapak janahit ka kam karate rahe hain aur shrotaon ka jiwan prakashit karate rahe hain.

apana rediyo bachao manch is sandarbh men soochana aur prasaran mantralay se tatkal hastakshep ki mang karata hai aur turant bhugatan kar ke kaijual prajentaron ke niyamitikaran ki prakriya aarambh karane ki bhi mang karata hai. sath hi sansadiy samiti ki sifarishon ke aalok men tatkal kadam uthane ka aagrah karata hai. is manch ke sadasyon ne is bat par bhi jor diya hai ki aakashawani ko barbad karane ki jo sajish chal rahi hai usaka pardapash karane ke liye manch rajadhani aur desh ke doosare shaharon men abhiyan chalayega.