sachchi sanpatti

ham is blag par sahity aur sanskrti ko sath-sath lekar chalate rahe hain. kabhi kawita to kabhi kahani aur kabhi wirasat ki bata. aaj aapase ek wishesh prasang bantane ja raha hoon ,aap ise wirasat ki bat samajhen ya fir prerak-prasang ,ye aap ke oopar chhod raha hoon. lijiye prastut hai-
kafi samay pahale ki bat hai kisi ganw men sthit ek aashram men ek mahatma rahate the. jo kafi wrddh ho chuke the aur ab soch rahe the ki apani jimmedari kisi aur ko saunp doon. aashram ke nam bahut jamin-jayadad thi. ek bar mahatma ji ne socha,'' kyon n aashram ki jamin ko garibon men bant diya jaye .'' isake liye ek din unhonne aas-pas ke ganwon ke sabhi logon ko ekatrit karane ki yojana banayi aur bulawa bhej diya.
mahatma ji ki ichchha janakar bulawa pate hi aas-pas ke hajaron log niyat samay par aashram ke bahar ikkathe ho gaye. jab mahatma ji ne bahar aakar dekha aur ikkathe huye logon par najar daudaee to dekhakar hairan rah gaye. kyonki wahan aaye garib logon men ganwon ke bade-bade jamindar bhi shamil the jo jamin pane ki lalasa se aaye the . tab mahatma ji ne kaha,''sabase pahale wah wyakti samane aaye jisake pas sabase jyada jamin hai.'' usake aage aane par we bole,''bolo kitani jamin chahiye ?'' is par us jamindar ne kaha ki maharaj jitani marji de do . mahatma ji usaki bat sunakar kuchh der ke liye chup ho gaye aur fir kuchh soch kar bole,''aap sany ५ baje tak jahan tak daud kar wapas aa jayenge utani jamin aapaki .'' mahatma ji ki yah bat sunakar wah jamindar bahut khush huaa aur usane daudana shuru kar diya. wah itana dauda ki daudate-daudate hanfane laga par adhik jamin pane ki lalasa men bahut door chala gaya aur bahut door panhuch jane ke bad usake dimag men wapasi ka wichar aaya . magar man men abhi bhi yahi ichchha thi ki das kadam aura....... lekin samay par n pahunch pane ki chinta ne use wapas mod diya. par ab samay bacha hi kahan tha jo wah niyat samay par wapas aashram pahunch pata. daudate-daudate usaki sansen foolane lagi, kadam ladakhadane lage aur ab usaka sharir usaka sath chhod raha tha. hanfate-hanfate jaise hi wah aashram ke dwar ke pas pahuncha to niyat samay lagabhag samapt ho chala tha so usane let kar aashram ki dehali ko chhoona chaha lekin sharir ab nishkriy ho chuka tha, jaise hi aage badane ke liye usane letana chaha to wah gir gaya aur girate hi dam toot gaya.
mahatma ji ki najar us par padi aur use ek nazar dekhakar aaye huye janasamooh se kahane lage,'' ..aur kisako ,kitani jamin chahiye.. aage aa jao.'' unaki yah bat sunakar sab log pichhe hat gaye. tab mahatma bole,''yahi do gaz jamin jisamen yah leta huaa hai isaki asali aur sachchi sampatti hai.'' ab kisi aagantuk ke man men jamin lene ki ichchha nahin rah gayi thi tatha sabhi apane-apane ghar laut gaye .

ganatantr saugat

bharatamata ki santan , bharat-bhu ki god men poshit , isaki
raj men khel sampoornata prapt karane wale ,wishwmen wibhinn sthanon
par widyaman sabhi bharatiyon ko ganatantr ki hardik shubh-kamanayen |

is awasar par yek sadharan bharatiy ke udgar
bad rahe hain betahasha
dal chini ke bhaw
ho rahe kala-bajari
nish din mala mal
bebas ab kisan hai
majaboor hai sanjhidar
khoon ke aansoo ro raha
majadoor ka pariwar
khair ,chahe jo hota rahe
nahin apane bas ki bat
halat mangate ab to
yek sangharsh shuruaat
ya swikar karen sadar ise
man ganatantr saugat ||

kurukshetr men sooryagrahan utsaw

dharmkshetr kurukshetr sansar men prasiddh hai | isake jin sthanon ki prasiddhi sanpoorn wishw men faili huee hai unamen brahmasarowar sabase pramukh hai. is tirth ke wishay men wibhinn prakar ki kinwadantiyan prasiddh hain. agar unaki bat ham n bhi karen to bhi is tirth ke wishay men mahabharat tatha waman puran men bhi ullekh milata hai. jisamen is tirth ko paramapita brahm ji se joda gaya hai . sooryagrahan ke awasar par yahan wishal mele ka aayojan kiya jata hai. is awasar par lakhon log brahmasarowar men snan karate hain. kaee yekad men faila huaa yah tirth wartaman men bahut sudanr yewan susajjit bana diya gaya hai. kurookshetr wikas bord ke dwara brahmasarowar ke madhy men sthit yek shiw mandir aur parishthabhoomi men brahmasarowar

bahut darshaniy roop pradan kiya gaya hai tatha ratri men prakash ki bhi wyawastha ki gayi hai | aagami १५ jnawari २०१० ko yahin sooryagrahan ke awasar par mele ka aayojan hone ja raha hai . kurukshetr pahunchana kisi drshti se kathin nahin hain. rashtriy rajamarg sankhya १ (sherashah soori marga) par sthit pipali se matr ३-४ ki०mi० ki doori par kurukshetr sthit hai. yahan chadigadh aur dilli se rel dwara bhi panhucha ja sakata hai. kurukshetr se aap aasapas ke mahattwapoorn tirthon saraswati tirth ewan falgu tirth par bhi pahunch sakate hain. kurukshetr ki wistrt janakari ke liye aap blag par poorw prakashit lekh padh sakate hain. sooryagrahan ke is utsaw men aapaka swagat karane ko yah dharm-nagari utsukata se aapaka intajar kar rahi hai.

shubh dipawali

dipotsawan bhawatu mangalamyam

ham kamana karate hain -

prakashaparw diwali samast wishw ko shanti , sauhardr , prem aur bhaee-chare se aalokit

kare yewan sarwatr sukh tatha samrddhi laye |

kurukshetr se aapake ke liye

aapake liye kurukshetr se kuchh chhaya-chitr birala mandir

jayaram widyapith ke prangan men sthit pitamah bhishm ki pratima

jayaram widyapith ke prangan men dant-dan karate karn

jayaram widyapith ke prangan men sthit mandir