kitane logon ko chinta rahati hai apane nam ki

nam se kam hota ho ya kam se nama, yah to tay manana hi chahiye ki nam hai to usaka kuchh matalab bhi hai. janm ke bad nam milata hai. jiwan ke sath aur jiwan ke bad bhi kuchh rah jata hai to yahi nama. nam se hi wyakti aur usake wyaktitw ka nirdharan hota hai, nam ka itana mahatw hote huye bhi ham men jyadatar log nam ko lekar gambhir nahin rahate jabaki ghar men pale dang ko bhi apane nam ki ahamiyat pata hoti hai. aankh moonde dang ka dhire se bhi nam pukaren to usake kan khade hone ke sath hi poonchh bhi harakat karane lagati hai. sadak se gujar rahi gay ko ham doosari manjil se gay-gay kahakar pukarate hain, wah gardan ghumakar aawaj wali disha men dekhane lagati hai.kisi sarwajanik samaroh men ek hi nam ke bis log hi kyon n jute hon lekin bat jab kam se jude nam ki ho to koee ek aadami hi pratikriya deta hai. aakhir aisa kyon hai ki koee ek to nam se pahachan pa jata hai aur usi nam wale any log ya to pahachan nahin bana pate ya bhid ka hissa hokar rah jate hain. kya ham apane nam ki sarthakata ko lekar wakaee prayasarat rahate hain? kahane ko to kah sakate hain nam men kya rakha hai, man samajhane ko yah bhi kah sakate hain badanam huye to kya huaa nam to huaa! janm ke bad anam hone tak to hamen koee fark nahin padata lekin nam judane aur samajhadari wikasit hone ke sath hi hamari ekamatr chinta rahati hai badanam n ho jayen. jis santan ka ham namakaran karate hain use bhi bat-bat par ulahana dete rahate hain hamara nam mat duba dena. badanam hone par nam hona tabhi achchha hai jab hamari badanami mira, radha, soora, kabira, sukarat jaisi ho jaye. yoon to laila-majanoon ka bhi nam hai lekin prem ki waisi pawitrata ab rahi nahin lihaja chahe jise laila-majanoon kah kar is nam ko bhi halka bana diya gaya hai.nam ko lekar chintit rahane wale is shabd ko palat kar dekhen to mana ban jata hai jisaka sahaj arth hai jise samaj swikrti n den ya jise man na kahe wah kam n karen. is mana ka yadi hamesha dhyan rakhen to hamen nam ko lekar tanaw men nahin rahana pade. chaubis ghante men se kuchh wakt nam jap karake bhi tanaw mukt raha ja sakata hai nanak se lekar narasi mehata tak ka nam bhi nam jap se huaa hai.aage nikalane ki hod men jab man ki nahin sunate to fir nam ka dhyan bhi kahan rakh pate hain.jitane bhi insan hain sabaka koee nam hai aur wahi nam unaki pahachan bhi hai. itihas ki bat karen to akabar ke nam ko jitana samman mil paya utana aurangajeb ko nahin mil paya. shahajahan ke nam se jyada unake karaye kam se tajamahal ka jyada nam ho gaya. filmon men shuruaati bhoomika men sat hindustani ke ek kalakar amitabh ki pahachan kawi hariwansharay bachchan ke putr ke roop men jyada thi aur aaj a anar ka nahin a amitabh ka ho gaya hai.ham apane aasapas to nazar dalen samaja, sansthana, kary kshetr men jitane bhi log rojamarra ki jindagi se jude hain unamen se kitane apane nam ko sarthak kar pa rahe hain. kisi ko jaldi to kisi ko der se hi sahi jo jis kshetr men hai wahan kabiliyat dikhane ka awasar to ham sabhi ko milata hi hai, lekin kitane log awasar ko jhapatakar apana nam aur apani pahachan bana pate hain. poorwajon dwara sanchit sanpatti kaee logon ko wirasat men milati hai lekin mukesha, anil anbani ki tarah kitani santane khanadan ke nam ki shan banaye rakh pati hain.anam janmate hain aur ram-nam saty ke udghosh ke sath shoony men wilin jaroor ho jate hain lekin shmashan se chuni jane wali asthiyon, nadi men prawahit ki jane wali rakh ke sath bhi nam zinda rahata hai. yahi nahin paradada, dada aur pitaji ke chitron par jhoolate chandanahar se nahin nam se hi in poorwajon ko bhawi pidi janati hai. achchha karen ya bura nam to hona hi hai. bure se nam kamane ke liye himmat ya besharmi jaroori hoti hai lekin achchhe kam se nam kamane ke liye n dhan chahiye, n himmata, besharmi to bilkul nahin chahiye. achchha karake desh men nam kamane ka sapana bhi tabhi sakar ho sakata hai jab hama, jis bhi kshetr men hain wahan, kuchh achchha karane ki shuruaat karen. kuchh n karane walon ka sirf mrtyu pramanapatr men nam hota hai aur jo kuchh preranadayi karake dikhate hain unaka nam itihas men darj ho jata hai.

agale hapate fairoon, khamma ghani-sa...

yek n ban payen to jiro ho jayen

shabd aur ankon men kitana fark hai isaka gaharaee se anubhaw hal hi men huaa jab hisab-kitab men ulajhana pada. kisi ko sammanit karana ho, usake kary ki prashansa karani ho to lanbi chaudi bat ki apeksha kam karane ke mamale men nanbar wan kahane se hi kam chal jata hai aur sari kamiyan ginani hon to bilkul jiro hai kah kar bhi rahat paee ja sakati hai. waise shoony hona kitana pidadayi hai, koee is akele jiro se poochhe isamen asuraksha ka bhaw bhi itana jyada ki ankon ki bhid men akela rah hi nahin sakata. pahali film se hi koee darshakon ka dil jit le to wah jiro se hiro ho jata hai, lekin jab aap bade tisamar khan kahalane ke bad bhi apane sath walon ka wishwas nahin jit pate to aise hiro ki asaliyat bhi jiro hi hoti hai. akela ek akadakar khada rahe to ant tak akela hi rahata hai, use pata hota hai, ek se ek judakar hi do ya gyarah ho sakate hain. akele ek bane rahana behad chunautipoorn hota hai, isake liye kitana sangharsh karana hota hai, yah nanbar ek par rahane walon ko dekhakar hi samajha ja sakata hai. ek nanbar yah bhi sikhata hai ki ham anek hokar bhi ek ho sakate hain. lekin is akele ek ko bhi jiro ki madad bina poornata nahin mil pati ya kahen ki ek-doosare ke man-samman men wrddhi ke liye donon men aapasi samajh bani hoti hai. nau men ek judate hi shoony das men badal jata hai. ninyanawe men ek judate hi do jiro sau hone ka man bada dete hain aur kabhi ek hajar ke aage shoony to door chhota sa panint (dashamalawa) lag jaye to hajar hone ke guroor par pani fir jata hai. shabd ki tarah ank bhi hamen bahut kuchh sikhate hain. ek se das ke ankon men arab-kharab chhupe hain, lekin in ankon men apane eka, do, tin hone par n to hin bhawana n hi jiro men arab-kharab ki kshamata wala ghamand nazar aata hai. mujhe lagata hai ham sab ek ki tarah apani akad men rahane se mukt ho nahin pate, isaliye jiro jaisi mahanata ka marm bhi nahin samajh pate. ham dost to jiro jaisa chahate hain jo apane sukh-dukh bhulakar hamara man badata rahe, jo mile mujhe hi mile. ham baki logon ke liye ek se anek hona nahin chahate. ham apane liye to hamesha do ka bhaw rakhate hain, lekin jab log hamase sat ki apeksha rakhate hain, tab sath dene ke badale ham no ki mudra men aa jate hain. nau ko ham no (inkara) ki tarah apana lete hain. ham bhool jate hain ki ek se aath tak ka kada sangharsh karane ke bad hi nau pahunch pata hai das ki sidi para. ye sare ank janate hain ki ek-doosare ke satha, sahayoga, samarpan bhaw se hi safalata ke shikhar tak pahuncha ja sakata hai. das ki ginati ham sabane sikhi to bachapan men hi hai, tab gurujanon ne ankon ki is ekajutata ka rahasy bataya bhi ho to hamen yad nahin. kyonki wah wakt ratane ka tha.waise ankon ke is ganit ko jiwan men utarane ke liye jitana bhi samay mile usi men hamen santosh karana chahiye. kalikh ka ek jara sa chhinta safed kagaj par alag se hi nazar aa jata hai. ise ham samajhate to hain lekin anjane men hi apane jiwan ki is ginati men kitane dashamalaw lagate rahate hain hamen hi pata nahin hota. jiwan bhar ham nanbar wan ke liye daudate hain, kuchh safal hote bhi hain, to ahan ki chikanaee ke karan lanbe samay khade nahin rah pate. ek n ban pane ki satyata samajh aane ke bad bhi ham any kisi ke liye sahayogi nahin banate. yadi hamara shoony ki tarah swabhaw ho jaye to n sukhi hone par danbh hoga n musibaton men ghire rahane ka malal kitana durbhagy juda hai ham sab ke satha, bachapan men jod-ghataw sikh to liya lekin samajh nahin paye aur eka, do, nau se shoony ka arth samajhane ki umr men pahunchate-pahunchate ham men se jyadatar ki ulti ginati shuru ho jati hai. dasa...nau...tina...do...yeka...

agale hapate fairoon, khamma ghani-sa...

chhote hokar to dekhiye bahut bade ho jayenge

bade logo ka apanon se chhoton, sahakarmiyon ke prati winram wyawahar ham dekhate to hain lekin kaee logon ko yah natak lagata hai. kabhi sambandhit logon se bat karen to pata chalega we is winamrata ke badale kitana samman dete hain. kisi din apane kary-wyawahar men ham bhi chhote hone ka prayog karake dekhen to sahi, ham sach men apanon ki nazar men bade ho jayenge. yad rakhen prakrti ne baragad ko any wrkshon ke mukabale bade hone ki suwidha di hai lekin yah durbhagy bhi usi ke sath jod diya hai ki chhote paudhe usake niche nahin panapate jabaki kaduwe nim ko kary wyawahar men pranarakshak ka samman mila huaa hai. chhote paudhe, teji se panapane wali bel sahara pakar nim se oonchi nikal jayen to bhi usaka pranawayu wala wyawahar nahin badalata. tay hamen karana hai baragad banen ya nima. ek niji sansthan men shakha prabandhak star ke ek adhikari se mulakat ke liye subah pahuncha to mujhe ek rochak anubhaw huaa. kuchh pal baithane ka ishara karake we wibhag ke any warishth-kanishth sathiyon se rama-shyama karane lage. lagabhag har sahakarmi ke pas jakar unhonne muskurate huye gudamoring ki, sahakarmi ne aur adhik prasannata darshate huye jawab diya.panch-sat minat men we apane sabhi sahakarmiyon se milakar laut aaye aur bole aaj ka din bhi achchha hi gujarega. mere chehare par kyon ke bhaw dekhakar unhonne spasht kiya ki yah unaka roj ka niyam hai. sabake pas jakar gudamoring karate huye milate hain. subah ki yah hansi sham tak panjitiw enarji ka kam karati hai. agali subah fir gudamoring se baitari richarj kar lete hain.amooman karyalayon men aath ghanton ki working to hoti hi hai aur panjitiw enarji men is tarah ki kisi pahal men das minat bhi nahin lagate, lekin karyalayon, frend sarkal ya pariwar men kitane log panjitiw enarji banane men sahayog karate hain? jabaki yah enarji jutane ke liye panwar kat jaisi samasya se bhi nahin joojhana padata.mera manana hai bada hona ya bade pad par baithana aasan hai lekin us bade pad ki garima ke mutabik kam karana jyada chunautipoorn hai. shasakiy karyalayon men to warishth adhikariyon ke do-tin sal men transafar hote hi rahate hain. shasakiy karyalayon men to poorw men kaun-kaun adhikari padasth rahe bord par sabhi ke nam bhi likhe hote hain. aisa kyon hota hai ki dheron namon ki soochi men gine-chune adhikariyon ke nam hi wibhagiy karmachariyon ya shahar ke logon ko yad rahate hain? badi kuçrsayon par baithane wale kitane log apane se chhote logon ka dil jit pate hain? khud bans tebal tu tebal jakar apane matahat sathiyon se gudamoring nahin bhi karen to bans ya stanf ki sehat par koee fark nahin padega, fir kuchh hi log kyon aise hote hain! shayad isiliye ki yad rakhane yogy bhi to kam hi log hote hai!das lakh ki gadi kharidane wala to is hakikat ko janata hai ki jab achanak bich raste men gadi ruk jayegi to dhat lagane ke liye thela dhakane, panchar pakane wale ka bhi sahayog lena pad sakata hai. achanak nahar-talab footane ke halat banane par ret ka ek kan hamen anupayogi lag sakata hai lekin inhin sare retakanon wali boriyan tabahi machane ko aatur pani ko kuchh der men asahay kar deti hain.kam bada ho ya chhota sirf bolate rahane se hi ho jaye to sare log gharon men rattu tote hi n pal len! koee bhi kam ko lakshy tak pahunchane ke liye samoohik sahayog jaroori hota hai aur yah tim wark se hi sambhaw hota hai. maich jitane par kaptan ko tranfi, yuddh jitane par senadhyaksh ki pith jaroor thapathapaee jati hai lekin in sabhi ko pata rahata hai bina tim efart ke jit sambhaw nahin thi. jab aapasi samajh hi nahin ban payegi to sath kam karate huye bhi koee kyon ek-doosare ko sahayog karega. bade pad wale yadi apani kursi, moti tankhawah ke ahan se ghire rahenge to nukasan unhin ka hona hai kyonki chhote logon ka pratishat ghar-karyalay men adhik hota hai.mujhe to lagata hai bade padon wale apane kary-wyawahar se jitane chhote ho jayen apane karyakshetr men utane hi bade ho sakate hain. khajoor aur baragad ki tarah bada hona kisi kam ka nahin kyonki n to kisi ko chhanw mil pati hai aur n hi baki paudhe panap pate hain. waise ab to baragad ka danbh bhi tootane laga hai. kaee gharon men bonsaee baragad chhote se gamale men dekha ja sakata hai. bonsaee baragada, un gharon-karyalayon men jaroor hone chahiye jahan ohade, tanakhawaha, sanpannata ki dhundha, bhishan garmi men bhi nahin chhant pati. chhote banakar ham aur bade ho sakate hain yah sootr yad rakhalen to ghar-bahara, hamare wyawahar men jo badalaw aayega nishchit hi wah panjitiw enarji hi badayega.