pakshapat

us samay lal bahadur shastri grh mantri the . yek bar unhonne ilahabad sthit apana niwas sthan isaliye khali kar diya kyonki makan malik ko usaki aawashyakata thi . unhonne kiraye par doosara makan lene ke liye aawedan patr bhara. kafi samay ho gaya lekin lal bahadur shastri ko makan nahin mil saka. lal bahadur shastri ke mitron ne adhikariyon se poochhatachh ki . adhikariyon ne bataya,''shastri ji ka kada aadesh hai ki jis kram men unaka aawedan patr darj hai . usi kram ke anusar makan diye jayen . koee pakshapat n kiya jaye. '' yah sach tha aur unase pahale 176 aawedakon ke nam darj the .

uttam

desh ke suprasiddh kawi rawindranath taigor ko banawatipan bilkul pansad nahin tha. jo chij sidhi aur saral hoti thi, unhen achchhi lagati thi . ek bar unaki putri ki shadi huee . widaee ke samay use bina saj shrrngar ke le jane lage . unake sanbandhi unaki ninda karane lage . is par unhonne saralata se uttar diya,''jis samman ko pane ke liye achchhi weshabhoosha hona jaroori ho, us samman ko n pana hi uttam hai.''

insaniyat

yah ghatana un dinon ki hai, jab lalabahadur shastri hamare pradhanamantri the . ek din wah apani patni lalita shastri ke sath ek sadi ke karakhane ka daura karane gaye . unaki patni ko kuchh sadiyan pansad aaeen . shastri ji ne unhen bandhane ko kaha aur paise dene lage . lekin malik ne paise lene se inkar kar diya . tab shastri ji ne kaha, ''aaj main pradhanamantri hoon, isaliye mujhe itani moolyawan sadiyan muft men de rahe ho, lekin jab main pradhanamantri nahin rahoonga, tab bhi kya aisi sadiyan aap mujhe muft de sakenge?'' yah sun kar mil malik kuchh n bol saka . usane chupachap paise le liye .

widwata

yek bar swami wiwekanand kashi men the . wahan unaki widwata ki charcha bahut fail gaee thi . anek logon ne unase anek kathin prashn kiye the . jin ka jawab unhonne aisa diya ki sab ne unaki widwata ka loha man liya tha. ek din ek wyakti ne unase poochha, ''sant kabir das ji ne dadi kyon rakhi thi.'' swami ji ne uttar diya, ''bhaee, agar wah dadi nahin rakhate to aap poochhate ki kabir das ji ne dadi kyon nahin rakhi .'' yah jawab sunakar wah wyakti lajjit hokar chupachap wahan se khisak gaya .

sant

swami dayanand ka ek shishy naee tha . ek bar wah swami dayanand ke liye apane ghar se bhojan laya . swami dayanand ne use bade chaw se kha liya. unaka doosara shishy us ghatana ko dekh raha tha . usane swami dayanand se kaha,'' swami ji, aap ne yah kya kiya ? aapane aaj naee ki roti kha li .'' is bat par swami dayanand khilakhila kar hansane lage . shishy bola,''mharaja, kshama karen . yadi koee dhrshtata gaee ho kshama karen |'' swami dayanand bole, ''wts, roti to gehoon ki thi, naee ki nahin.'' yah sun kar shishy nirutar ho gaya|

pet

yek sajjan ke bahut aagrah par prasiddh sahityakar barnade sha ne un ka nimantran swikar kar liya . lekin sha ne pahale hi yah spasht kar diya tha ki wah mansahariyon ke sath bhojan nahin kha payenge . sajjan ne unaki pansad ka dhyan rakhane ka aashwasan diya tha . bhoj wale din sha shakahari mej par rakhe salad ko khane lage . ek mansahari sajjan ne us par chot karate huye kaha, ''aap ghas-foos kyon kha rahe hain murga khaiye na.'' sha ne jawab diya, ''janab mera pet koee kabristan nahin hai ki main usamen murade dalata rahoon.''yah jawab sunakar wah nirutar ho gaya.

jati

gandhiwadi neta aachary jiwataram bhagawanadas krpalani tren men safar kar rahe the, usamen ek mahila w ek purush yatri bhi tha . we aachary krpalani ko nahin pahachanate the . baton hi baton men unhonne unase poochha, ''aap kis jati ke hain?'' prashn sunakar krpalani tatkal bole, '' main to kaee jatiyon ka hoon.'' yah sun kar log aashchary men pad gaye . ek bola, ''wah kaise?'' is par aachary krpalani bole, ''jab main subah apana joota saf karata hoon tab shoodr ho jata hoon, mahawidyalay men padane jata hoon to brahman ho jata hoon, wetan ka hisab karata hoon to baniya ho jata hoon . ab aap hi bataiye meri kya jati hai?'' aachary krpalani ka yah uttar sun kar un yatriyon ko lajjit ho jana pada .